| e-texts navigator |
| Wylie |
156a1 ཅི་དགར་གཞག་པས་འགྲུབ།། རང་བྱུང་རྫོགས་པའི་སྒོམ་པ་ལ།། སྣ་ཚོགས་རྟོག་པའི་སེམས་བྱུང་ན།། རྫོགས་པ་སེམས་ཀྱི་ངོ་བོར་བལྟ།། འབྱུང་འཇུག་རིག་པ་ཅིར་མི་བསམ།། དེ་ནི་སྒོམ་པ་ཉིད་དུ
156a2 བཤད།། བྱང་ཆུབ་ཀྱི་སེམས་མཁའ་མཉམ་ཀློང་གི་རྒྱུད་ཆེན་པོ་ལས།། ཤེས་རབ་ཀྱིས་སྦྲང་དུ་མེད་པའི་ལེའུ་སྟེ་ཉི་ཤུ་བཞི་པའོ།། །། དེ་ནས་གཞན་ཡང་བཤད་བྱ་བ།། མཐར་ཕྱིན་གསང་བའི
156a3 མན་ངག་ནི།། རྒྱུ་མཐར་ཕྱིན་ཏེ་བསྒྲུབ་ཏུ་མེད།། མན་ངག་མཐར་ཕྱིན་བཙལ་དུ་མེད།། འབྲས་བུ་མཐར་ཕྱིན་གདོད་ནས་རྫོགས།། ཡོངས་རྫོགས་གསང་བའི་རྒྱུད་ཉིད་ནི།། གདོད་ནས་མཐར་ཕྱིན་བཙལ་དུ
156a4 མེད།། རྒྱུ་འབྲས་གདོད་ནས་ལྷུན་རྫོགས་པས།། ཡོངས་རྫོགས་རྒྱུ་ནི་ལྷུན་གྲུབ་ཉིད།། མ་བཅོས་ཡོངས་སུ་རྫོགས་པ་ལ།། གསལ་བྱེད་རྒྱུ་ཡིས་མཉམ་སྦྱར་ནས།། གཏེར་ཁྱིམ་ཕུང་པོ་སྣང་བྱེད་ལྟར།། ལྷུན་གྱིས་གྲུབ
156a5 པའི་ཡོན་ཏན་ལྟར།། འཁོར་བ་མ་བཅོས་ལྷུན་གྲུབ་ལ།། བརྟགས་པའི་བག་ཆགས་བློ་བུར་བ།། སྡུག་བསྔལ་བདེ་ལ་ལོག་འཁྲུལ་ཏེ།། དུང་ལ་སེར་པོར་མཐོང་བ་བཞིན།། འདི་ལ་སྐྱེ་འགག་གནས་པ་མེད།། རང
156a6 བྱུང་སེམས་ཉིད་ཁྱད་པར་ལས།། འདོད་པའི་དོན་ཀུན་རེ་བ་མེད།། བཙལ་མེད་གནག་པས་མངོན་སངས་རྒྱས།། རང་རིག་མཐོང་ལས་གཞན་མིན་ནོ།། གཞན་རྟོག་སྐྱེས་པའི་རྒྱུ་འབྲས་ཀྱིས།། མཐའ་བྲལ་ནམ
iiif viewer powered by OpenSeadragon
