| e-texts navigator |
| Wylie |
50a1 ཡུལ་མིན།། ཤིན་ཏུ་ཕྲ་བས་རྣམ་བརྟགས་ལ།། རྩིང་པོས་དཔྱད་ན་ཕྲ་མ་དག། སྒྲ་ཕྱིར་འབྲངས་ན་གྲུབ་མཐའ་ཉམས།། རྩོལ་བ་འབའ་ཞིག་འཆིང་བའི་རྒྱུ།། མ་བཅལ་བ་ན་རྩོམ་པ་ཞིག། དེ་ནི་བཅོམ
50a2 ལྡན་འདས་ཞེས་བྱ།། མི་དམིགས་དབྱིངས་ཀྱི་ངང་ཉིད་ནི།། ཅིས་ཀྱང་མི་དམིགས་དངོས་སྣང་བ།། མཁའ་ཞེས་པ་ཉིད་དབྱིངས་ཀྱི་དོན།། བྱང་ཆུབ་ཀྱི་སེམས་སྒོམ་པ་ཡི་གེ་མེད་པ་ལས། དབྱིངས་ཀྱི་དོན་བསྟན་པའི
50a3 སྐབས།། །། ཆོས་དབྱིངས་དག་པའི་མཁའ་ཀློང་ལ།། རྒྱུ་མེད་སྤངས་པའི་ཡེ་ཤེས་དབབ།། ཡེ་ཤེས་ཉིད་དེ་ཆོས་སྐུར་དག། དེ་ལྟར་སངས་རྒྱས་ཆོས་སྐུ་དེ།། སངས་རྒྱས་ཀྱིས་ཀྱང་གཟིགས་སུ་མེད།། ཆོས
50a4 དབྱིངས་སྤྲོས་མེད་སྤྲོས་བྲལ་ལ།། ཡེ་ཤེས་ལྷུན་གྲུབ་མ་བསྐྱེད་པས།། དེ་བཞིན་རང་འབྱུང་རིག་པ་ཡིན།། ཡི་གེ་མེད་པའི་རྒྱུད་དུ་གྲགས།། རྨད་དུ་བྱུང་བ་སྤྲོས་དང་བྲལ།། སྤྲོས་མེད་དབྱིངས་དང་ཡེ་ཤེས་ནི།། ནམ
50a5 མཁའི་དབྱིངས་ཏེ་ཡེ་ཤེས་སོ།། ནམ་མཁའ་ལ་ནི་ནམ་མཁའ་སྒོམ།། དེ་ལས་ཉམས་པའི་འཁོར་ལོ་ཡིན།། དིག་མ་རྨི་ལམ་ལྟ་བུ་ལ།། འདི་དང་འདི་ཞེས་བསྟན་དུ་མེད།། མཁས་པ་མན་ངག་གསུམ་དང་ལྡན།། བྱང
50a6 ཆུབ་ཀྱི་སེམས་སྒོམ་པ་ཡི་གེ་མེད་པ་ལས། དབྱིངས་དང་ཡེ་ཤེས་གཉིས་སུ་མེད་པར་བསྟན་པའི་སྐབས།། །། བླུན་པོ་རྟོག་གེའི་ཤེས་པ་ཉིད།། ཡོད་དག་མེད་པའི་ཆོས་ལ་སྤྱོད།། བྱང་ཆུབ་སེམས་ལ་མིང་མེད
iiif viewer powered by OpenSeadragon
