| e-texts navigator |
| Wylie |
49a1 དེ།། དངོས་མེད་ཅིང་ཡང་སྣང་བའི་སེམས།། ཅིག་ཆར་འཇུག་པའི་རྣལ་འབྱོར་པས།། སྟོང་པ་ཉིད་ལ་བློ་གཏད་དེ།། མཐར་ཕྱིན་འགག་མེད་བཀའ་ཡང་དག། ཡེ་ཤེས་ཟབ་མོའི་ངོ་བོ་ཡིས།། མ
49a2 བསམས་མ་སྦྱངས་རབ་ཞི་བའི།། རྣམ་རྟོག་ཉིད་ཀྱང་ཡེ་ཤེས་སྐུ།། བླ་མེད་རྫོགས་ཆེན་བརྗོད་ལས་འདས།། རང་བྱུང་རང་ཞི་རང་ལ་གནས།། མཐོང་མེད་རྩོལ་བ་ལས་འདས་པ།། བྱང་ཆུབ་ནམ་མཁའི་རང་བཞིན
49a3 ནོ།། བྱང་ཆུབ་ཀྱི་སེམས་སྒོམ་པ་ཡི་གེ་མེད་པ་ལས། རང་བཞིན་ནང་གི་སྐབས།། །། མཐོང་བ་མེད་པའི་དབྱིངས་ཉིད་ལ།། ཡེ་ཤེས་ཟབ་མོའི་སྐད་ཅིག་མས།། རང་བཞིན་འབྱུང་བ་རབ་ཏུ་སྟེ།། དེ་ཡི་རྩོལ་བྲལ
49a4 ཡང་དག་ཉིད།། ཡེ་ནས་རང་བཞིན་གནས་པ་ཡིས།། མཉམ་པའི་དབྱིངས་ཀྱིས་ཀུན་ལ་ཁྱབ།། ཡེ་ཤེས་ཀྱིས་ཀྱང་དེ་བཞིན་ནོ།། དབྱིངས་ལ་ཡེ་ཤེས་རབ་འབྱོར་བ།། དེ་ཉིད་སངས་རྒྱས་ས་ལས་འདས།། ཤེས
49a5 རབ་ཐབས་རྫོགས་རྟོག་པས་བསྐྱེད།། དེ་ཉིད་སངས་རྒྱས་ས་ཉིད་དོ།། སྟོང་དང་མི་སྟོང་ཚིག་ལས་འདས།། བསམ་མེད་དག་པར་གནས་པ་སྟེ།། རྒྱུ་དང་འབྲས་བུ་ལྷུན་གྲུབ་པས།། གཉེན་པོས་མ་བཅོས་རབ་ཏུ
49a6 ཞི།། རང་བཞིན་ཞི་བ་ཐབས་ཆེན་པོ།། བག་ཆགས་རྒྱུན་ཉིད་རང་བཞིན་ཆད།། བཀག་ནས་ཆད་པའི་ཤིན་ཏུ་སྲོག། སྲོག་ལས་སྡུག་བསྔལ་བྱུང་ཚོར་ཏེ།། མཐོང་དང་ལྟར་ནི་མེད་པ་སྟེ།། ཡེ་ནས་རང་བྱུང་དབྱིངས་དེ
iiif viewer powered by OpenSeadragon
