| e-texts navigator |
| Wylie |
48b1 གཟུགས་དང་གྲགས་པ་སྒྲ།། འོད་ཀྱི་བདུད་དང་བསླུ་བ་རྣམས།། རང་གི་རྒྱུད་ནི་འབྱུང་བའོ།། ཡེ་ཤེས་ཕྱིན་ཅི་མ་ལོག་པ།། དང་པོ་བཟླས་དང་བརྗོད་དུ་མེད།། སེམས་ཀྱི་སྐད་ཅིག་དང་པོ་ལ།། ཆོས་སོ་ཅོག་གི་རྩ་བ
48b2 སྟེ།། བསླབ་པར་བྱ་ཞིང་གོམས་པར་བྱ།། ཤིན་ཏུ་གོམས་པའི་སྟོབས་ལྡན་ན།། མཚན་མ་སྤྱི་དང་རང་གིས་སྤངས།། ཐེག་པ་ཀུན་དང་ཁྱད་པར་འཇུག། རང་ཀ་མ་ལ་ག་ལ་གནས།། མ་བསྒྲུབས་ཐམས་ཅད་ལྷུན་གྱིས
48b3 རྫོགས།། རྟོག་པ་ཐམས་ཅད་མི་གཡོ་བརྟན།། ངེས་དོན་སྙིང་པོ་བླ་ན་མེད།། བྱང་ཆུབ་སེམས་སྒོམ་པའི་རྒྱུད་ཡི་གེ་མེད་པ་ལས། ཆོས་ཉིད་ཀྱི་སྐབས།། །། རིང་པའི་རྒྱུ་ཉིད་རྣམས་སྤངས་ལ།། ཉེ་བ་ཉིད་དུ
48b4 འཇུག་པ་ཡི།། བསམ་པ་དག་དང་ལྡན་པས་ནི།། ཐམས་ཅད་ཚུལ་བཟུང་མན་ངག་བརྟག། ཐབས་ཆེ་ཐབས་མྱུར་ཐབས་གསང་པས།། མཚན་མའི་དོན་ལ་རྣམ་མི་བརྟག། དབྱིངས་ཉིད་རིག་པ་སྐད་ཅིག་ལ།། མཐོང
48b5 བ་ཐམས་ཅད་བློ་ཡིས་བསླད།། མ་མཐོང་མཐོང་ཕྱིར་མཐོང་བ་ནི།། གོང་ན་མེད་དེ་དེ་ལྟར་མིན།། མཚན་མའི་བག་ཆགས་རྒྱུ་བ་ཆད།། དེ་ཡང་མཚན་མའི་མཐར་ཕྱིན་ནོ།། མཚན་ཉིད་ཡེ་ཤེས་གསང་བ་སྟེ།། དོན
48b6 དམ་བློ་ཡི་སྤྱོད་ཡུལ་མིན།། རྟོགས་དང་མ་རྟོགས་ཉིད་ཀྱི་ཆ།། ཟུང་དུ་འཇུག་དང་འོད་གསལ་མེད།། དབང་དང་དམ་ཚིག་ཆ་ལག་རྫོགས།། འཁོར་བ་མྱ་ངན་འདས་མཐར་ཕྱིན།། ཡོན་ཏན་ཀུན་གྱི་ཚོགས་ཉིད
iiif viewer powered by OpenSeadragon
