| e-texts navigator |
| Wylie |
48a1 རྒྱས་དང་འཁོར་རྡུལ་སྙེད་དུ་བཅས་པ་དང་སའི་དེ་བཞིན་ཉིད་དུ་གྲོལ་ཏེ་དགྱེས་པར་གྱུར་ཏོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བསྟོད་ཅིང་ཡི་རང་བའི་ལེའུ་སྟེ་དྲུག་ཅུ་བཞི
48a2 པའོ།། །། འདས་པ་དང་། མ་བྱོན་པ་དང་། ད་ལྟར་ཕྱོགས་བཅུ་དུས་བཞིའི་དེ་བཞིན་གཤེགས་པའི་དགོངས་པ་ཆོས་ཐམས་ཅད་ནམ་མཁའི་ངོ་བོ། ནམ་མཁའི་མཐའ་དང་མཉམ་པར་སྦྱོར་བ་ཞེས་བྱ་བའི་རྒྱུད
48a3 ཆེན་པོ་རྫོགས་སོ།། །། རྒྱ་གར་གྱི་མཁན་པོ་ཤྲཱི་སིང་ཧ་དང་། དགེ་སློང་བཻ་རོ་ཙ་ནས་བསྒྱུར་ཅིང་གཏན་ལ་ཕབ་པའོ།། །། @#།། བོད་སྐད་དུ། བྱང་ཆུབ་སེམས་སྒོམ་པ་ཡི་གེ་མེད
48a4 པའི་རྒྱུད། བཅོམ་ལྡན་འདས་དཔལ་རྡོ་རྗེ་འཛིན་པ་ལ་ཕྱག་འཚལ་ལོ།། ཆོས་ཀྱི་དབྱིངས་གཏིང་དཔག་དཀའ་བའི་དོན་ཟབ་མོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐམས་ཅད་ཡི་གེ་མེད་པའི་རང
48a5 བཞིན་དུ་བདེ་བ་མཆོག་གིས་གཟིགས་ཏེ། རང་བཞིན་གཟུང་དུ་མེད་པའི་དོན་འདི་བཀའ་སྩལ་ཏོ།། རང་བཞིན་རང་གིས་རྟོགས་གྱུར་ནས།། དངས་སྙིགས་མེད་པའི་ཟབ་མོ་ཉིད།། དང་པ་ཉིད་ན་ཟབ་མོ
48a6 ཡིས།། ལུང་དུ་སྒོམ་བསྒྲུབ་ཀུན་དང་བྲལ།། བྱང་ཆུབ་སེམས་ཉིད་ལྟར་མི་མཐོང་།། འབད་པས་དོན་ཉིད་ཀུན་དང་བྲལ།། བསྒོམས་པས་ཉམས་རྙེད་མི་འགྱུར་རོ།། དེ་ལ་བདུད་རྣམ་བཞི་འབྱུང་སྟེ།། གཟིགས་པ
iiif viewer powered by OpenSeadragon
