| e-texts navigator |
| Wylie |
45b1 ཀྱི།། སྐུ་གསུང་ཐུགས་ཀྱི་རང་བཞིན་ཉིད།། ནམ་མཁའི་མཐའ་དང་མཉམ་པའི་རྒྱུད།། བསྟན་དང་བྲིས་དང་བཀླག་པ་དང་།། གཟུང་དང་རྟོགས་དང་བསྒོམ་པ་ཡིས།། ཡོན་ཏན་ཉིད་དམ་མ་མོས་པའི།། ཡོན་ཏན
45b2 སྐྱོན་རྣམས་བཤད་དུ་གསོལ།། ཞེས་གསོལ་ཏོ།། དེ་ནས་ཡང་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། སངས་རྒྱས་ཀུན་གྱི་རིན་ཆེན་གཏེར།། སྐུ་གསུང་ཐུགས་ནི་མངོན་ཕྱུང་བ།། ནམ་མཁའི
45b3 མཐའ་དང་མཉམ་པའི་རྒྱུད།། འདས་དང་མ་བྱོན་ད་ལྟར་གྱི།། སྐུ་གསུང་ཐུགས་ནི་རོ་གཅིག་པའི།། མ་ལུས་གཅིག་ཏུ་བསྡུས་པའི་རྒྱུད།། རྣ་བརྒྱུད་རིན་ཆེན་འཆང་བའི་མིས།། སྐལ་ལྡན་རྒྱལ་ཆེན་དམ་པ་དང་།། མ
45b4 ནོར་ངེས་པར་བཤད་བསྟན་པ།། སངས་རྒྱས་དགོངས་པ་ཉིད་ལ་སྦྱོར།། སངས་རྒྱས་བསྟན་པ་བཤད་པ་ཡིན།། བསྟན་ཅིང་བཤད་པས་གྲོལ་བར་འགྱུར།། རིན་ཆེན་སྣ་བདུན་ལ་སོགས་ལ།། རྒྱལ་བ་ཀུན་གྱི་རང
45b5 བཞིན་གྱིས།། མ་ལུས་བསྡུས་པའི་ངོ་བོ་ཉིད།། སྐུ་གསུང་ཐུགས་ཉིད་བྲིས་པ་ཡིན།། དེ་བས་རྒྱལ་བ་ཀུན་བྲིས་པའི།། ཆེ་བའི་ཡོན་ཏན་བསམ་མི་ཁྱབ།། ནམ་མཁའི་མཐའ་དང་མཉམ་པའི་རྒྱུད།། རྒྱལ་བ་ཀུན་གྱི་སྐུ
45b6 གསུང་ཐུགས།། རྡུལ་སྙེད་རྒྱལ་བ་མ་ལུས་པའི།། ངེས་དོན་མ་བཅོས་གསུངས་པའི་ཚིག། བརྗོད་པ་རྒྱ་མཚོ་ཀུན་གྱི་སྒྲ།། ཐོས་པས་སྒྲིབ་པ་རྣམ་འཇོམས་ཤིང་།། བཀླགས་པ་ཉིད་ཀྱིས་མངོན་སངས་རྒྱས།། རྒྱལ་བ
iiif viewer powered by OpenSeadragon
