| e-texts navigator |
| Wylie |
45a1 འབྲལ་ཞིང་།། དམ་པས་དམ་པར་རང་མཐོང་ན།། རིགས་དང་ཡོ་བྱད་སྤྱོད་ལམ་དག། དམན་པར་གྱུར་ཀྱང་དམ་པ་ཡིན།། དམ་པ་མ་ཡིན་སློབ་མ་ལ།། དམ་པར་བཟུང་ཞིང་བསྟན་པ་དང་།། རྣ་བརྒྱུད
45a2 བདུད་རྩི་གང་སྟོན་པ།། གཉིས་ཀ་རྡོ་རྗེའི་ཁབ་ཏུ་ལྟུང་།། དང་པོར་དད་དང་གང་རྟོགས་པའི།། སྒོ་གསུམ་བསམ་པ་རྩེ་གཅིག་པའི།། སྔ་མའི་དྲན་རྟོག་རྒྱུན་བཅད་པའི།། རིག་པ་འཕེན་པ་དང་པོ་ཉིད།། གསལ་བར
45a3 མྱོང་ཕྱི་སློབ་མ་སྟེ།། དངོས་པོ་ཕྱི་ནང་མ་ལུས་པ།། རྡོ་རྗེ་འཛིན་པའི་ཆ་བཟུང་ནས།། རང་བྱུང་ཡེ་ཤེས་ཆུ་རྒྱུན་དག། སེམས་ཉིད་དེ་ལ་འཇུག་པར་བསྟན།། གང་ཞིག་བརྡ་དོན་ལ་ཆགས་པའི།། རིག་པའི་གང་ཡིན
45a4 སློབ་མ་སྟེ།། རང་སེམས་བརྡ་དོན་གང་བྲལ་བ།། དེ་ཉིད་དེ་ཡི་གང་རྟོགས་པ།། བླ་མས་བྱིན་གྱིས་བརླབས་པ་མཆོག། དེ་ལྟར་བརྡ་དོན་གྲོ་ལ་གྱུར་ཏེ། རེ་དོགས་འདུ་ཤེས་ཟད་གྱུར་ཏེ།། བླ་མར་སློབ་མ་ཉིད་གྲུབ
45a5 པས།། མ་ལུས་སློབ་དཔོན་སློབ་མ་དང་།། གོང་འོག་ཁྱད་པར་རིམ་མེད་དེ།། རྡོ་རྗེ་འཛིན་པ་ཉིད་དུ་འགྲུབ།། ཅེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། གང་ཟག་ཁྱད་པར་བཤད་པའི
45a6 ལེའུ་སྟེ་དྲུག་ཅུ་གཉིས་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ།། འདུས་པ་ཆེན་པོའི་ཚོགས་རིག་པ་རང་སྣང་གི་འཁོར་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་སངས་རྒྱས་ཐམས་ཅད
iiif viewer powered by OpenSeadragon
