| e-texts navigator |
| Wylie |
44b1 བར་ནུས་མིན་ན།། ཕ་རོལ་ཐར་པར་ཇི་ལྟར་འགྱུར།། འདི་དག་རང་བཞིན་བརྟག་བྱས་ལ།། དམ་པར་འདོད་པའི་གང་ཟག་གིས།། རྨི་ལམ་དུ་ཡང་མི་ཕྲད་ན།། དམ་པར་བརྟེན་པ་སྨོས་ཅི་དགོས།། དམ་པ་གསུམ་གྱི
44b2 རིམ་བརྒྱུད་པའི།། ཐུགས་ཀྱི་གཏེར་ཆེན་རིན་པོ་ཆེ།། རང་བྱུང་ཐུགས་ཀྱི་སྣང་བ་ཡིས།། བདེ་ཆེན་སྙིང་པོ་ཉིད་འབར་བ།། གསང་བའི་ཐུགས་སུ་ཆུད་པ་ལ།། ཡུལ་དང་འབྱུང་བ་མ་ལུས་དང་། སྒོ་གསུམ་དྲན་རྟོག་མ
44b3 ལུས་པ།། ཇི་སྙེད་སྣང་གྲགས་མ་ལུས་ཀུན།། བདེ་ཆེན་རང་བྱུང་མངོན་སྟོན་པའི།། བླ་མའི་ཞལ་དུ་སྣང་བ་ཡིན།། མ་ལུས་རང་བྱུང་བྱང་ཆུབ་སེམས།། ཕྱོགས་རིས་མེད་པའི་ཀློང་བརྡལ་བས།། ཆོས་ཉིད་རང་བཞག
44b4 རྐྱེན་གྱུར་ལས།། གོལ་སྒྲིལ་གཡང་ས་ཆོད་པ་ཡིན།། སྣང་བ་སེམས་སུ་མཐར་ཕྱིན་ནས།། སེམས་ཉིད་ཕྱོགས་འདས་བསྟན་གྱུར་པ།། རང་སེམས་ལྷུན་གྲུབ་རིན་པོ་ཆེ།། མཆོག་གི་བླ་མ་བྲལ་བ་མེད།། ཇི་སྲིད་རོལ
44b5 པ་རང་སྣང་བ།། སྐུ་གསུང་ཐུགས་ཀྱི་ཕྱག་རྒྱ་སྟེ།། རེ་དོགས་བཅད་པའི་ཡོན་ཏན་ཕྱིར།། ཆེ་བའི་ཡོན་ཏན་ཆེན་པོར་གནས།། བླ་མ་གཉིས་དག་བྲལ་གྱུར་ན།། ཕྱི་ཡི་བླ་མ་རྣམ་པ་སྟེ།། མཚན་མ་བརྡ་ཡི་རྗེས་འབྲངས
44b6 ནས།། བདེ་ཆེན་མཆོག་གི་ལམ་བྲལ་ལོ།། རྡོ་རྗེ་སློབ་མའི་རང་བཞིན་ཡང་།། གུས་དང་འདུལ་དང་སྙིང་རྗེ་ཆེ།། སེར་སྣ་ཆགས་པ་ང་རྒྱལ་ཆུང་།། འདི་དག་རང་བཞིན་དམ་པའི་རྟགས།། དད་པས་དུས་གསུམ་མི
iiif viewer powered by OpenSeadragon
