| e-texts navigator |
| Wylie |
44a1 པོའི་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། རང་བྱུང་དགོས་པའི་བདག་པོ་ཁྱོད།། གང་ཟག་བློ་ཡི་ཁྱད་པར་ལྟར།། བསྟན་པ་འཚམ་པར་བསྟན་དགོས
44a2 པས།། སློབ་དཔོན་སློབ་མའི་ཁྱད་པར་དག། མ་འདྲེས་རིམ་པར་བཤད་དུ་གསོལ།། ཞེས་གསོལ་ཏོ།། དེ་ནས་ཡང་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། དང་པོ་ཕྱི་ཡི་བླ་མ་ཡང་།། རིམ་པ
44a3 བཞིན་དུ་བརྟག་པར་བྱ།། རང་བཞིན་བཟང་དང་གཡོ་སྒྱུ་མེད།། དྲང་ཞིང་གསོང་པོར་གནས་པ་དང་།། ཐབས་ཆེན་རིགས་བཟང་འདུལ་བ་དང་།། སེར་སྣ་ཆུང་ཞིང་བརྩེ་སེམས་ཆེ།། འདི་ནི་རང་བཞིན་བརྟགས་པ
44a4 ཡིན།། གཟི་བརྗིད་བྱིན་རླབས་ཆེ་བ་དང་།། འགྲོ་བ་འདུལ་དང་དམ་ཆོས་འདུ།། མང་པོ་འདུ་ཞིང་བསྒོ་བ་ཉན།། འདི་ནི་བསོད་ནམས་བརྟགས་པ་ཡིན།། གང་དུ་དམ་པའི་རིགས་གྱུར་ཅིང་།། དམ་པར་གྱུར་པའི་ཚད
44a5 ལྡན་པས།། འདི་དག་དམ་པའི་རང་བཞིན་ཏེ།། དམ་པའི་རིགས་ཀྱི་དམ་པར་བྱ།། འདི་ནི་ཕྱི་ཡི་བླ་མ་ཡིན།། རང་བཞིན་དེ་དག་མི་ལྡན་ཅིང་།། དམ་པའི་ཐབས་ལ་མི་མཁས་པས།། ལོག་པའི་ལྷ་སྤྱོད་དབང་གྱུར
44a6 ཅིང་།། ལྟ་སྤྱོད་དམན་པའི་ལྕགས་ཀྱིས་བསྡམས།། བདག་འཛིན་ལོག་པའི་ངོ་བོར་ཞེ་ན།། ཅོང་རོང་ལམ་སྣ་སྒོ་འབྱེད་ཅིང་།། ལོག་པའི་ཚིག་དང་ཐུར་མ་ཡིན།། ཤེས་རབ་མིག་དང་བྲལ་བྱེད་པས།། བདག་ཀྱང་བདེ།
iiif viewer powered by OpenSeadragon
