| e-texts navigator |
| Wylie |
42a1 པོ་ལ་འཇུག་ཚེ།། མ་བཅོས་ལྷག་པའི་དམ་ཚིག་བཞི།། ཕོག་པས་མ་བཅོས་དམ་ཚིག་རྟོགས།། མ་ལུས་དམ་ཚིག་འདིར་འདུས་ཤིང་།། འབྱུང་ཞིང་སྤྲོ་བའི་སྙིང་པོ་བས།། འདའ་མེད་དམ་ཚིག་རྒྱལ་པོའི
42a2 རྒྱུད།། མ་བཅོས་ཐུགས་ཀྱི་འཕྲིན་ལས་ལ།། ཐབས་ཀྱི་གསལ་ཏེ་བར་ཆད་མེད།། བྱ་བཙལ་ཞེན་པའི་འཕྲིན་ལས་མིན།། མ་བཙལ་རིག་པའི་འཕྲིན་ལས་ཉིད།། རྟོགས་ཤིང་སྟོན་པར་བྱེད་པས་ན།། བྱ་བྲལ་འཕྲིན
42a3 ལས་རྒྱུད་ཅེས་བྱ།། རང་བྱུང་རྫོགས་པ་ཆེན་པོ་ལ།། མ་བཅོས་རྫོགས་པའི་རྣལ་འབྱོར་ནི།། ས་དང་ལམ་ལ་རིམ་མེད་དེ།། རྟོགས་པས་ས་རྣམས་དུས་གཅིག་མནན།། མཐའ་མེད་ནམ་མཁའ་ལྟ་བུ་ལ།། བགྲོད་མེད
42a4 ལམ་མཆོག་སྟོན་པའི་རྒུད།། རང་བྱུང་ཕྱོགས་མེད་ནམ་མཁའ་ལ།། མ་བཅོས་ཡེ་ཤེས་ཤར་བའི་ཚེ།། རྐྱེན་དང་སྒྲིབ་པ་དྲན་རྟོག་རྣམས།། རྒྱ་མཚོ་ཆུ་དང་ཆུ་བུར་ལྟར།། མ་ལུས་ཡེ་ཤེས་ཉིད་དུ་གསལ།། མ་ལུས་རང
42a5 བྱུང་སྙིང་པོ་ལ།། སྒྲིབ་མེད་གསལ་བར་སྟོན་པས་ན།། རང་བྱུང་ཡེ་ཤེས་གསལ་བའི་རྒྱུད།། ཏག་ཤ་ག་ཡི་རྒྱན་བཞིན་དུ།། ཇི་སྙེད་ཆེ་བའི་ཡོན་ཏན་རྣམས།། ཕྱོགས་མེད་བྱིན་རླབས་རང་སྣང་བས།། ལྷུན་གྲུབ
42a6 འབྲས་བུའི་རྒྱུད་ཅེས་བྱ།། བཀའ་བརྒྱུད་ཀུན་གྱི་རྩ་བ་ནི།། རང་བྱུང་རྫོགས་ཆེན་སེམས་ཀྱི་རྒྱུད།། དེ་དག་ཇི་སྙེད་བསྟན་པ་ཀུན།། ཐམས་ཅད་འདི་ལས་འཕྲོ་ཞིང་འདུས།། ཞེས་གསུངས་སོ།། ནམ་མཁའི་མཐའ་དང
iiif viewer powered by OpenSeadragon
