| e-texts navigator |
| Wylie |
41b1 བྱུང་ལྷུན་རྫོགས་སྙིང་པོ་ལ།། ཐབས་ཀྱིས་རེ་དོགས་བཅད་ནས་ནི།། དགག་བསྒྲུབ་ཞེན་རྩོལ་ཀུན་བྲལ་ཡང་།། ཉི་འོད་རྒྱ་མཚོ་རིན་ཆེན་ལྟར།། མ་བཙལ་ལྷུན་གྱིས་རྫོགས་པའི་དོན།། ནམ་མཁའ་ལྟ་བུར་བར་ཆད
41b2 མེད།། རྐྱེན་དང་སྦྱོར་ལ་རག་མ་ལུས།། རིག་པ་ཉམས་ཀྱིས་རྒྱུད་ཅེས་བྱ།། རྒྱལ་བ་རྣམས་ཀྱི་ངོ་བོ་ཉིད།། བསྟན་པ་རྒྱ་མཚོ་སེམས་ཀྱི་ཀློང་།། བརྟགས་པའི་ཞེན་པ་གཅོད་བྱེད་ཅིང་།། གདུལ་བྱ་སྤྲོ་བ་སྐྱེད་པར
41b3 བྱེད།། མ་བཅོས་བརྟགས་པའི་སེམས་ཉིད་ནི།། ཕྱོགས་རིས་བླང་དོར་མི་མངའ་སྟེ།། མཐའ་དབུས་མེད་པར་འདི་སྟོན་པས།། ལྟ་བ་མཐའ་དབུས་མེད་པའི་རྒྱུད།། མ་བཅོས་འོད་གསལ་དོན་རྟོགས་པས།། མཐའ
41b4 བྲལ་ནམ་མཁའི་དཀྱིལ་འཁོར་ལ།། མཚོན་ཆའི་འཁོར་ལོ་བསྐོར་བ་ལྟར།། རེ་དོགས་བྲལ་བའི་སྤྱོད་པ་ཉིད།། བླང་དོར་མེད་པ་སྤྱོད་པའི་རྒྱུད།། སྣང་སྲིད་མ་བཅོས་གཞལ་ཡས་སུ།། མ་བཅོས་སྐུ་གསུང་ཐུགས་ཀྱི
41b5 རྒྱན།། སྐུ་གསུམ་རྟོགས་པའི་དོན་ལྡན་པས།། མ་ལུས་དཀྱིལ་འཁོར་ཆེན་པོ་ཉིད།། མ་ལུས་འདི་ཡིས་སྟོན་པས་ན།། དགོད་མེད་དཀྱིལ་འཁོར་རྒྱན་གྱི་རྒྱུད།། སྐལ་ལྡན་ཐུགས་ཀྱི་རྒྱལ་སྲས་ལ།། སྣང་སྲིད་དབང་གི
41b6 ངོ་བོ་རུ།། སྐལ་ལྡན་དབང་ཕྱུག་རྒྱལ་པོས་བསྟན།། དབང་ཐོབ་རྒྱལ་སྲས་ཕྱིར་མི་ལྡོག། དབང་བསྐུར་ཐབས་ཀྱི་རྩ་བའི་ཕྱིར།། སྤྱི་བླུགས་དབང་གི་རྒྱུད་ཅེས་བྱ།། སྐལ་ལྡན་སྐྱེས་བུ་རྣལ་འབྱོར་པ།། དངོས་དོན་སྙིང
iiif viewer powered by OpenSeadragon
