| e-texts navigator |
| Wylie |
41a1 བསྒྲུབ་རེ་དོགས་འཇིགས་པ་མེད།། མ་ལུས་འདུས་པའི་སྙིང་པོ་འདི།། མི་མཁས་བརྟགས་པ་རང་བཞིན་ཉིད།། མཁས་པས་རང་རྒྱུད་མེད་པར་རྟོགས།། མ་བཅོས་ཤེས་པ་བསམ་མི་ཁྱབ།། གང
41a2 རྟོགས་དུས་ནི་ཐམས་ཅད་དུ།། གསང་བའི་གཏེར་སྒོ་ཕྱེ་བ་ཡིན།། སྤྱོད་ལམ་མ་ཆགས་ཕ་རོལ་ཕྱིན།། ཆེ་བ་རང་བྱུང་རྒྱུན་མི་འཆད།། རང་བྱུང་སེམས་ཉིད་སྙིང་པོ་འདི།། སྟོང་ཉིད་ནམ་མཁའི་ཀློང་དུ་གནས།། འདི
41a3 ལ་བརྡ་དང་ཐ་སྙད་དང་།། ཚིག་དང་ཡི་གེ་ལ་འདས་པ།། ཡི་གེ་མེད་པའི་རང་བཞིན་ཏེ།། ཡི་གེ་བརྡ་ལ་གང་བརྟེན་པས།། སྣང་སྲིད་ཡི་གེ་མེད་པའི་རྒྱུད།། སྟོང་ཉིད་ནམ་མཁའི་དབྱིངས་ལྟ་བུ།། ད་ལྟ་ཉིད་དུ་སྣང
41a4 བར་བྱེད།། མ་བཅོས་ཐུགས་ཀྱི་མེ་ལོང་འདི།། ཇི་ལྟར་བལྟས་ཀྱང་ཀུན་ཏུ་བཟང་།། ཀུན་བཟང་རྟོགས་པའི་དགོངས་སྤྱོད་འདི།། དམན་པའི་རིགས་ཅན་སྤྱོད་ཡུལ་མིན།། རང་བྱུང་འགྱུར་མེད་ཀུན་བཟང
41a5 འདི།། ཐབས་ཆེན་གསལ་བས་ཀུན་ཏུ་བཟང་།། མ་བཅོས་རིག་པས་ཀུན་ལ་ཁྱབ།། དུས་གསུམ་རྒྱལ་བ་ཀུན་གྱི་མཆོག། རང་བྱུང་བྱང་ཆུབ་སེམས་ཉིད་ནི།། ནམ་མཁའི་མཐའ་བཞིན་ཀུན་ཁྱབ་ཀྱང་།། ཐབས་དང
41a6 ལྷན་ཅིག་མི་གནས་པས།། རང་གསང་ཐབས་ཀྱིས་བཅད་པ་ཡིན།། གང་དེ་ཐབས་དང་བྲལ་བ་ཡིས།། ཇི་ལྟར་བཙལ་ཀྱང་མི་རྙེད་པ།། གསང་བ་ཐབས་ཀྱི་རིམ་པ་ཡིས།། མངོན་དུ་བསྟན་པའི་རྒྱུད་ཆེན་ཡིན།། རང
iiif viewer powered by OpenSeadragon
