| e-texts navigator |
| Wylie |
40a1 མི་ཁྱབ།། ཕྱོགས་ལས་འདས་པས་ཡུལ་མི་འཇུག། རྟོགས་ནས་ཅི་བདེར་ཡན་དུ་ཁྱེར།། མ་བཅོས་རིག་པའི་འོག་མིན་ཏེ།། ཕྱི་ནང་རྟོག་པ་ཟླ་བ་ཉིད།། བསམ་གྱིས་མི་ཁྱབ་རྟོགས་པའི་དུས།། དྲན་རྟོག
40a2 སྐལ་ལྡན་རྒྱལ་སྲས་འཁོར།། རྟོགས་པའི་རིག་པར་ཐམས་ཅད་བསྡུས།། བསྟན་པས་རྟོགས་པ་རྩ་བ་སྟེ།། མ་ཡེངས་རླུང་འཇུག་ཕྱི་མ་ཡིན།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ
40a3 ལས།། ཕྱི་རོལ་གྱི་རྒྱུད་མི་གནས་ཏེ་གཅིག་ཏུ་བསྟན་པའི་ལེའུ་སྟེ་ལྔ་བཅུ་ང་དགུ་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་དེ་ལ། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། དུས
40a4 གསུམ་རྒྱལ་བ་ཐམས་ཅད་ཀྱི།། གསང་བའི་འཁོར་ལོ་རིག་པའི་ཐུགས།། སྒྲོ་འདོགས་སྐུར་འདེབས་རྣམ་པར་གཅོད།། ནམ་མཁའི་མཐའ་དང་མཉམ་སྦྱོར་བའི།། མཚན་གྱི་རྣམ་གྲགས་ཇི་ལྟ་བུ།། མགོན་པོ་དཔའ
40a5 བོཔོས་བདག་ལ་གསུངས།། ཞེས་གསོལ་ཏོ།། དེ་བཞིན་གཤེགས་པ་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་བཀའ་སྩ་ཏོ།། འདུས་པའི་ཚོགས་ཆེན་པོ་ལེགས་པར་ཉོན།། ཇི་སྙེད་ཐེག་པ་ཐམས་ཅད
40a6 དང་།། བསྟན་པར་གྲགས་པ་ཐམས་ཅད་ཀུན།། རང་བྱུང་སེམས་ལས་སྣང་བས་ན།། རྒྱུད་འདི་མཚན་མར་མ་འགྱུར་མེད།། མ་ལུས་ཀུན་འདུས་བྱང་ཆུབ་སེམས།། བསྟན་པའི་ཡང་རྩེ་སྙིང་པོར་བཅུད།། ནམ་མཁའི
iiif viewer powered by OpenSeadragon
