| e-texts navigator |
| Wylie |
39b1 ལོངས་སྤྱོད་རིན་ཆེན་གྱིས།། སངས་རྒྱས་ཐམས་ཅད་མཉེས་ཕྱིར་དབུལ།། དེ་ནས་ཨ་ཡི་རང་བཞིན་གྱིས།། ཡི་གེ་མེད་པའི་ཤེས་པ་ཉིད།། ཀུན་ལ་ཁྱབ་པའི་རང་བཞིན་ཅན།། བཙལ་བ་མེད་པར་ཕ་རོལ་ཕྱིན།། མ
39b2 ལུས་རྩད་ནས་གཅོད་པའི་ཕྱིར།། སྤུ་གྲི་ལྟ་བུས་རྟོགས་པར་བྱ།། རྟོགས་པའི་རྒྱལ་པོ་ཆེན་པོ་ལས།། དངོས་པོ་ཇི་སྙེད་བསྟན་པ་ཡང་།། སྔ་ཕྱི་མེད་པའི་ཤེས་པ་སྟེ།། རང་བྱུང་ཐོག་བབས་ཉིད་དུ་གནས།། ཐོག
39b3 མ་མཐའ་མ་མེད་པ་ཡི།། དྲན་རྟོག་སྒྲིབ་པ་རྒྱུ་བའི་ཚོགས།། ཐབས་ལ་བརྟེན་པའི་ཡེ་ཤེས་ཀྱིས།། མ་ལུས་དྲི་མེད་སྣང་བར་འགྱུར།། མ་ལུས་རང་བཞིན་བདེ་ཆེན་པོ།། མཁའ་ལྟར་དྲི་མེད་གསང་བའི་ཐུགས།། རང
39b4 སྣང་སྙིང་པོ་མ་རྟོགས་ན།། དཔག་མེད་བསྟན་པ་ངལ་བའི་རྒྱུ།། སོ་སོ་བསྟན་པའི་རྒྱ་མཚོའི་རྒྱུད།། ལུང་དང་རིག་པ་མངོན་རྟོགས་དང་།། སྣ་ཚོགས་ཆོ་ག་ལ་བརྟེན་པས།། རང་རང་མཐུན་སྣང་འབྲས་བུ་འགྲུབ།། མ
39b5 ལུས་ཀུན་འབྱུང་དྲི་མེད་ཀྱི།། རང་སྣང་འབྲས་བུ་ཐོབ་མི་འགྱུར།། སྔ་ཕྱི་དུས་གསུམ་དབྱེར་མེད་པའི།། རིག་པ་ཉིད་ལ་ཀུན་རྫོགས་པས།། སངས་རྒྱས་སེམས་ཅན་དུས་མཉམ་སྟེ།། སྔ་ཕྱི་ཁྱད་པར་བསྟན་པ
39b6 མེད།། རྒྱལ་བའི་སྐུ་དང་གསུང་ཐུགས་ལ།། སྔ་ཕྱི་ཁྱད་པར་མི་གནས་ན།། དེས་གསུངས་བསྟན་པ་རྒྱ་མཚོའི་དོན།། སྔ་ཕྱི་མེད་པའི་དུས་མཉམ་ཡིན།། མ་ལུས་ཀུན་འདུས་རིག་པའི་གཏེར།། གསང་བ་རྒྱ་མཚོ་བསམ
iiif viewer powered by OpenSeadragon
