| e-texts navigator |
| Wylie |
38a1 མར་འདོད།། སྔ་མ་རྟོགས་པར་དཀའ་བའི་དོན།། ཕྱིས་རྟོགས་པས་ཀྱང་ཕྱི་མ་ཡིན།། འཁོར་གྱི་དངོས་པོ་རྒྱལ་ཚབ་ལ།། འདུས་པའི་འཁོར་ཚོགས་ཕལ་པ་ཡིས།། ཕྱིས་ནས་ཞུས་པས་ཕྱི་མ་ཡིན།། སྔ
38a2 མ་མྱ་ངན་འདས་པ་སྟེ།། ཕྱི་མ་འཁོར་བ་ཉིད་དུ་གསུངས་སོ།། སྔ་མ་སྦས་པའི་རང་བཞིན་ལ།། ཕྱི་མ་གསལ་བར་བྱེད་པའོ།། འདི་ནི་ཕྱི་མ་ཞེས་སུ་བཤད།། སངས་རྒྱས་ཀུན་གྱི་གསང་ཆེན་ནི།། ཆོས་སོ་ཅོག་གི་སྙིང
38a3 པོ་སྟེ།། ཀུན་གྱི་རྟོགས་པར་དཀའ་བ་ནས།། གསང་བ་ཉིད་དུ་དེ་གསུངས་སོ།། དུས་གསུམ་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ཀྱི་རྒྱུད་ཆེན་ནི།། རྫོགས་ཆེན་བསྟན་པའི་སྙིང་པོ་སྟེ།། དམན་པའི་ཡུལ་དུ་མ
38a4 གྱུར་བས།། དགུ་རུམ་སྦས་པའི་དོན་གསང་བའི།། ཡང་དག་སངས་རྒྱས་རྡོ་རྗེ་འཆང་།། སྐུ་གསུང་ཐུགས་ཀྱི་བདེ་ཆེན་པོ།། དཔག་མེད་སངས་རྒྱས་བྱང་ཆུབ་སེམས།། མ་ལུས་རྡུལ་སྙེད་ཀུན་གྱིས
38a5 ཀྱང་།། དགོངས་སྤྱོད་རྟོགས་པར་མ་གྱུར་པས།། གསང་བ་ཉིད་དུ་དེ་བརྗོད་དོ།། གང་དུ་མ་བཅོས་རྫོགས་ཆེན་པོ།། ཐོག་མ་མཐའ་མ་དབུས་མེད་པ།། རྡོ་རྗེ་ནམ་མཁའི་དཀྱིལ་ལྟ་བུ།། བརྟག་ཅིང་སྤྱད་པ་ལས་འདས
38a6 པ།། དེ་མཚོན་བརྡ་དོན་ཐམས་ཅད་དེ།། སངས་རྒྱས་བྱང་ཆུབ་སེམས་དཔའ་དང་།། བསྟན་པའི་ཐེག་པ་ཐམས་ཅད་དང་།། སྣང་སྲིད་ཕྱི་ནང་སྣོད་བཅུད་ཀུན།། རང་བྱུང་རྫོགས་པ་ཆེན་པོའོ།། མཚོན་དཔེ་བརྡར་གྱུར
iiif viewer powered by OpenSeadragon
