| e-texts navigator |
| Wylie |
37b1 རྣམས་ལ་བརྒྱུད།། དེ་དག་གསང་བའི་དོན་ཉིད་ནི།། སྐལ་ལྡན་རྒྱལ་སྲས་དཔག་མེད་ལ།། ཏིང་འཛིན་རིག་པ་མཆོག་གི་རྒྱུད།། དེ་ནས་ཐུགས་རྗེ་བྱིན་རླབས་ཀྱིས།། དུས་གསུམ་རྒྱལ་བའི་སྐུ་གསུང་ཐུགས།། ཚིག
37b2 དང་ཡི་གེར་མངོན་སྤྲུལ་ནས།། རང་རྒྱུད་དག་པའི་སྐྱེ་བོ་ལ།། འཁོར་བ་སྙིང་པོར་དགྲོལ་བའི་ཕྱིར།། རྣ་བརྒྱུད་འཕྲུལ་ཚིག་ངག་གི་རྒྱུད།། གང་གི་གང་ལ་གང་བརྒྱུད་པས།། འདི་ནི་རྒྱུད་ཅེས་བྱ་བར་བརྗོད།། ཆོས
37b3 རྣམས་མ་ལུས་ཐམས་ཅད་དང་།། བཀའ་རྒྱུད་ཐེག་པ་མ་ལུས་ཀྱི།། བརྗེད་བྱ་དོན་གྱི་སྙིང་པོ་ནི།། མ་ལུས་རྫོགས་པ་ཆེན་པོ་ཉིད།། ཇི་སྙེད་ཐེག་པ་མ་ལུས་པའི།། ཐབས་ཀྱིས་བསྒྲུབས་པའི་འབྲས་བུ་ནི།། ཇི་སྙེད་སྐུ
37b4 གསུང་ཐུགས་སྣང་བ།། མ་བཅོས་ཆོས་སྐུའི་ངོ་བོར་འདུས།། ཇི་སྙེད་སངས་རྒྱས་སེམས་ཅན་དང་།། བསྟན་པའི་ཕུང་པོ་མ་ལུས་དང་།། ཕྱི་ནང་སྣོད་བཅུད་མ་ལུས་པ།། རྩ་བ་རང་སེམས་རྡོ་རྗེ་ཉིད།། དེ་ཉིད་རྫོགས
37b5 ཆེན་ཐིག་ལེའི་རྒྱུད།། ཀློང་དགུའི་བསྟན་པ་རྒྱ་མཚོའི་རྒྱུད།། མ་ལུས་འཕྲོས་པས་རྩ་བ་སྟེ།། ཡན་ལག་རྟོགས་པ་ཀུན་དང་འབྲེལ།། གཅིག་དོན་རྟོགས་པས་ཀུན་དོན་རྟོགས།། དཔེར་ན་ལུས་དང་ཡན་ལག
37b6 བཞིན།། འདིས་ནི་རྩ་བའི་རྒྱུད་ཅེས་བྱ།། གང་དུ་སྟོན་པས་གསུངས་པའི་དོན།། འཁོར་ལ་ཐོག་མར་གྲགས་པ་ཉིད།། རྟོགས་པར་དཀའ་བའི་གསང་བ་ལ།། རྒྱལ་ཚབ་སྐྱེས་བུས་ཕྱིས་གསུངས་པ།། དེ་ནི་རྒྱུད་ཀྱི་ཕྱི།
iiif viewer powered by OpenSeadragon
