| e-texts navigator |
| Wylie |
37a1 ལ།། ཀློང་དགུ་རྒྱ་མཚོ་བཅུད་བསྡུས་པའི།། དབང་པོ་ཡན་བཞག་གསང་བའི་ཟབས།། དགོངས་པ་རྣལ་བཞག་གྲོལ་བའི་ལམ།། རྣལ་འབྱོར་ཐབས་ཀྱི་གསང་ཆེན་འདི།། སྐལ་ལྡན་གཅིག་གི་སྤྱོད
37a2 ཡུལ་ཏེ།། དམན་པ་རྣམས་ཀྱི་སྤྱོསྤྲོ་ཡུལ་མིན།། དགོངས་པ་རྣལ་བཞག་ཡེ་ཤེས་ཡིན།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། དགོངས་པ་རྣལ་དུ་གཞག་པའི་ལེའུ་སྟེ་ལྔ་བཅུ་བདུན
37a3 པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་དེ་ལ། འདུས་པ་ཆེན་པོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། སྐྱོབ་པ་སངས་རྒྱས་ཐམས་ཅད་ཀྱི།། སྐུ་དང་གསུང་དང་ཐུགས་ཀྱི་རྒྱུད།། གསང་བ
37a4 ཀུན་གྱི་བདག་ཉིད་དེ།། རྒྱུད་ཀྱི་དོན་ནི་ཇི་ལྟ་བུ།། རྩ་བ་ཞེས་ནི་ཇི་ལྟར་ལགས།། ཕྱི་མ་ཞེས་ནི་ཇི་ལྟར་ལགས།། གསང་བ་ཞེས་ནི་གང་ལ་བགྱི།། དེ་ཡི་བརྡ་ནི་ཇི་ལྟར་ལགས།། དེ་ནི་དོན་ནི་བཤད་དུ་གསོལ།། ཞེས
37a5 ཞུས་སོ།། དེ་ནས་བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེས།། འཁོར་གྱི་ཚོགས་ལ་འདི་སྐད་ཅེས་བཀའ་སྩལ་ཏོ།། འདས་དང་ད་ལྟར་མ་བྱོན་པའི།། དེ་བཞིན་གཤེགས་པ་ཐམས་ཅད་ཀྱི།། སྐུ
37a6 དང་གསུང་ཐུགས་རྡོ་རྗེ་ཡི།། མ་བཅོས་སྙིང་པོར་རོ་གཅིག་པའི།། ཡེ་ཤེས་རང་བྱུང་སྐྱེ་མེད་ཀློང་།། རྟག་ཏུ་གནས་པ་གང་ཡིན་རྒྱུད།། དེ་ཡི་ངོ་བོ་བསྟན་པའི་ཕྱིར།། བྱིན་རླབས་ཡེ་ཤེས་རྒྱ་མཚོ་ཉིད།། རྒྱལ་བ་རྒྱ་མཚོ
iiif viewer powered by OpenSeadragon
