| e-texts navigator |
| Wylie |
36b1 རྡོ་རྗེ་སེམས་དཔའ་སྟེ།། མ་ལུས་དངོས་འདི་ཐམས་ཅད་ཀུན།། མ་བཅོས་རྫོགས་པའི་རྣལ་འབྱོར་ལ།། མ་ལུས་རྡོ་རྗེ་སེམས་དཔར་ནི།། མངོན་སུམ་གཟུགས་ཀྱི་གནས་པར་འགྱུར།། ནམ་མཁའི་མཐའ་དང་མཉམ
36b2 སྦྱོར་བའི།། རྫོགས་ཆ་ནི་དོན་ལ་གང་གནས་པས།། དངོས་པོ་གང་དང་གང་སྣང་ཡང་།། དགོངས་པ་རྣལ་དུ་གཞག་པར་བྱའོ།། དཔག་མེད་ཡེ་ཤེས་འཁོར་ལོ་ཅན།། སངས་རྒྱས་ཀུན་གྱི་སྙིང་པོ་ཉིད།། ནམ་མཁའ་ལྟ
36b3 བུ་དཔག་མེད་པ།། རང་ཉིད་དེ་ལྟར་གནས་པར་བྱ།། མཐའ་དབུས་ཕྱོགས་རིགས་དང་བྲལ་བ།། ཡེ་ཤེས་རང་བྱུང་བསམ་མི་ཁྱབ།། དགག་བསྒྲུབ་རེ་དོགས་ཆད་པ་ཡི།། བསྒོམ་དུ་མེད་པའི་ཚུལ་གྱིས་གནས།། རང
36b4 བཞིན་འབབ་ཆུ་ཇི་བཞིན་དུ།། མ་བསྒོམས་རང་གཞག་དགོངས་པའི་ལུང་།། མ་ལུས་རྣལ་དུ་བཞག་པ་ནི།། རང་དགར་གནས་པའི་སྟོབས་ལས་འགྲུབ།། དབང་པོ་གང་དང་གང་སྣང་བ།། ཡེ་ཤེས་ནམ་མཁའི་འོད་དུ
36b5 གསལ།། ཉི་འོད་ནམ་མཁའི་ཆུ་རླབས་ལྟར།། མ་བཅོས་རང་གྲོལ་ཉིད་ལ་ཐིམ།། དཔག་མེད་ནམ་མཁའི་རང་བཞིན་ལ།། ཤར་མེད་ཉི་མའི་འོད་ཀྱིས་གང་།། ཤར་བ་མེད་ཅིང་ནུབ་པ་མེད།། ནམ་མཁའི་མཐར་ཐུག
36b6 བར་དུ་གནས།། སངས་རྒྱས་ཀུན་གྱི་བདེ་ཆེན་འདི།། དགོངས་པས་མ་བཅོས་རྣལ་གཞག་པ།། རིམ་པར་བརྒྱུད་པའི་གསང་བའི་གཏེར།། བསྐལ་པར་སྦྱངས་པའི་རྣལ་འབྱོར་རམ།། དབང་པོ་ཚིག་ཆོད་གང་རུང
iiif viewer powered by OpenSeadragon
