| e-texts navigator |
| Wylie |
35b1 ལ་ཡོན་ཏན་ཀུན་འབྱུང་བ།། ནམ་མཁའི་ནོར་བུས་དབང་བསྐུར་ནས།། རྒྱལ་བ་ཀུན་གྱི་དབང་པོ་ཡིན།། མ་ལུས་རྫོགས་པའི་ཐིག་ལེ་སྟེ།། སྙིང་པོའི་དམ་ལས་མ་འདས་ན།། དམངས་ཀྱི་ཆད་པས་མི་འཇིགས
35b2 ལྟར།། མཚན་མའི་སྐྱོན་གྱིས་མི་འཇིགས་སོ།། མ་ལུས་ཀུན་བྱེད་བྱང་ཆུབ་སེམས།། རྒྱ་མཚོ་ཉི་ལྟར་འཇིགས་མེད་པས།། རེ་དོགས་སྤངས་པའི་སྤྱོད་པ་ཉིད།། འཆི་མེད་བདུད་རྩི་རྒྱལ་པོ་སྟེ།། འདི་ནི་རྒྱལ་བ་ཐམས
35b3 ཅད་ཀྱི།། རྒྱུད་དོ་ཅོག་གི་རྩ་བ་སྟེ།། རྡོ་རྗེ་འདུས་པའི་སྙིང་པོ་ཡིན།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རྒྱལ་བ་ཀུན་གྱི་དགོངས་པའི་རྩ་བ་འདུས་པའི་ལུང་གི་ལེའུ་སྟེ་ང་དྲུག
35b4 པའོ།། །། དེ་ནས་དེ་བཞིན་གཤེགས་པ་གསང་བའི་བདག་པོ་ཆེན་པོ་དེ་དགོངས་པ་རྣལ་དུ་བཞག་པའི་དོན་འདི་གསུངས་སོ།། སྐལ་ལྡན་རིག་པའི་རྒྱལ་སྲས་ཀྱིས།། མ་ལུས་བྱ་བ་ཀུན་བྱས་ནས།། དམ་པའི
35b5 བླ་མ་བརྟེན་བྱས་ཏེ།། རྣ་བརྒྱད་བདུད་རྩི་འཐུངས་པ་ཡིས།། འཁོར་བའི་རེ་དོགས་ཀུན་བཅད་ནས།། ཕྱི་ནང་འཇུག་པའི་ཡུལ་མེད་པས།། མ་བཅོས་བྱང་ཆུབ་སེམས་ཀྱི་ཀློང་།། སྙིང་པོ་ཤར་མེད་ནུབ་པ་མེད།། ཐོག
35b6 མ་ཐ་མ་མེད་པའི་སེམས།། མ་ལུས་ཐིག་ལེའི་ཀློང་བརྡལ་བས།། བཅོས་པ་མེད་ཀྱི་ཅི་བདེར་ཞོག། ཕྱོགས་བཅུའི་རྒྱལ་བ་ཐམས་ཅད་ཀྱི།། སྙིང་པོ་རང་བྱུང་དོན་རྟོགས་ནས།། དགོངས་པ་རྣལ་དུ་བཞག་པ
iiif viewer powered by OpenSeadragon
