| e-texts navigator |
| Wylie |
34b1 མཧོ་རྒྱལ་བ་ཀུན་གྱི་ལམ།། ཨེ་མཧོ་མཆོག་ཏུ་མྱ་ངན་འདས།། འདི་ནི་སངས་རྒྱས་ཐམས་ཅད་ཀྱི།། ཡེ་ཤེས་སྙིང་པོ་དྲི་མ་མེད།། རྡོ་རྗེ་ནམ་མཁའི་དཀྱིལ་ལྟ་བུ།། དམ་པ་རྣམས་ཀྱིས་དགོངས་པ་ཉིད།། རྡོ་རྗེ་སེམས
34b2 དཔའ་ནམ་མཁའ་ཆེ།། དུས་གསུམ་འགྱུར་མེད་རང་གི་དབྱིངས།། རང་བྱུང་ཕྱོགས་རིས་ཡུལ་མེད་པས།། མི་སྐྱེ་མི་འགག་ཅིར་མི་དགོངས།། ཕྱི་ནང་སྤྱོད་ཡུལ་ཐམས་ཅད་ཀུན།། རང་ཐིག་ལེའི་དར་དུ་བསྡུ།། དེ་ཉིད
34b3 ཕྱོགས་མེད་རང་སྣང་བས།། སངས་རྒྱས་སེམས་ཅན་རེ་དོགས་མེད།། སྣ་ཚོགས་སྐུ་གསུང་ཐུགས་སུ་བསྡུས།། དེ་ཉིད་རིག་པ་སྐྱེ་མེད་དེ།། རང་བྱུང་སྙིང་པོ་ཀློང་ཐོབ་པས།། ཕྱོགས་འཛིན་རྣམ་རྟོག་ཟིལ་གྱིས
34b4 མནན།། ཇི་སྙེད་ཕུང་པོ་ལྔ་བདག་ཉིད།། དེ་ཉིད་གཟུང་འཛིན་བདག་ཉིད་དེ།། དག་དང་མ་དག་གཅིག་ཏུ་འདྲེས།། བསྒོམ་དུ་མེད་པའི་ཐིག་ལེར་གསལ།། མི་དམིགས་ཡུལ་མེད་ཐིག་ལེ་ཉིད།། སྒྲོ་སྐུར་འདས་པའི
34b5 དོན་རྟོགས་ནས།། ཡོད་མེད་རེ་དོགས་ཆད་པའི་ལམ།། ཕྱོགས་མེད་རང་བྱུང་ཀུན་ལ་འཇུག། མ་རྟོགས་འཁོར་བའི་རྩ་བ་ནི།། རང་སེམས་ཙིཏྟའི་དཀྱིལ་འཁོར་ལྔ།། པདྨ་སྐྱོན་བྲལ་ཡོན་ཏན་ལྟར།། མ་ལུས་རྨད་བྱུང
34b6 ངས་རྒྱས་ས།། འཁོར་འདས་མ་ལུས་ཀུན་གྱི་རྩ།། རང་སེམས་མ་བཅོས་སྙིང་པོ་སྟེ།། བརྟགས་པས་ནམ་མཁའ་ལས་འདས་པ།། མཚོན་ཅིང་བརྟག་པའི་ཡུལ་ལས་འདས།། རྩ་བ་མེད་པའི་རིག་པ་ཉིད།། ཆོས
iiif viewer powered by OpenSeadragon
