| e-texts navigator |
| Wylie |
34a1 སྣང་།། རྣ་བརྒྱུད་གསང་བའི་འཕུལ་ཚིག་གིས།། རྣ་ལམ་མ་བཅོས་དོན་ལ་སྦྱར།། མ་ནོར་དམ་པའི་རིགས་ཅན་ལ།། མ་བཅོས་དགོངས་པ་གཏན་ལ་ཕབ།། གསང་དོན་ཐབས་ཀྱིས་ངེས་རྟོགས
34a2 ནས།། རིག་པ་ཉམས་ཀྱི་གོམས་ཚད་ཀྱིས།། མ་ལུས་དྲན་རིག་ཉམས་སུ་འབར།། མ་བཅོས་བཏང་བཟུང་མེད་པའི་སེམས།། རིན་ཆེན་གླིང་ལ་བགྲོད་པའམ།། རྒྱ་མཚོའི་སྙིང་པོར་གནས་པ་ལྟར།། སྣ་ཚོགས་ཞེན་པ
34a3 རང་ལོག་ནས།། རིག་པའི་ཉམས་ནི་གཅིག་ཏུ་གསལ།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རྡོ་རྗེ་སྙིང་པོ་གཏན་ལ་ཕབ་པའི་ལེའུ་སྟེ་ལྔ་བཅུ་ང་ལྔ་པའོ།། །། དེ་ནས
34a4 ཡང་སེམས་དཔའ་རྡོ་རྗེ་དམ་པ་ལ།། འདུས་པའི་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱིས།། ཡེ་ཤེས་རང་བཞིན་ཁྱོད་ཡིན་པས།། སངས་རྒྱས་ཀུན་གྱིས་མཛད་པར་ཤར།། རྒྱུད
34a5 ཀུན་འདུས་པའི་རྩ་བ་ཞེས།། རྒྱལ་བ་རྣམས་ཀྱི་གསུངས་པའི་དོན།། མགོན་པོས་བདག་ཅག་རྣམས་ལ་གསུངས།། ཞེས་གསོལ་ཏོ།། དེ་ནས་སེམས་དཔའ་རྡོ་རྗེ་དམ་པས་འདི་སྐད་ཅེས་བཀའ་སྩལ་ཏོ།། ཨེ་མཧོ
34a6 སངས་རྒྱས་ཐམས་ཅད་ཀྱིས།། རང་བྱུང་ཐིག་ལེ་མཚོན་པའི་ཐབས།། བཀའ་རྒྱུད་མ་ལུས་ཐམས་ཅད་ཀྱི།། དམ་པའི་སྙིང་པོ་དྲི་མ་མེད།། ཨེ་མ་ཧོ་ཡེ་ཤེས་མཆོག་གི་དོན།། ཨེ་མ་ཧོ་ཤིན་ཏུ་རྟོགས་པར་དཀའ།། ཨེ
iiif viewer powered by OpenSeadragon
