| e-texts navigator |
| Wylie |
33b1 སྙིང་པོ་ཡིན།། མ་ལུས་འདུས་པའི་ངོ་བོ་ནི།། རིག་པ་སྐྱེ་མེད་སྙིང་པོ་སྟེ།། རེ་དོགས་གསལ་བའི་ཡུལ་འདས་པ།། སངས་རྒྱས་སེམས་ཅན་མཉམ་དུ་གནས།། མ་བཅོས་རིག་པ་ཡེ་ཤེས་ནི།། སྒྲོ་སྐུར་འདས་པའི་སྙིང
33b2 པོ་སྟེ།། མ་ལུས་ཀུན་འདུས་སྙིང་པོ་ཅན།། ཐ་དད་གཞན་པའི་རྣམ་པ་མེད།། མ་ལུས་རང་བྱུང་སྙིང་པོ་ཉིད།། དམན་པ་རྣམས་ཀྱི་ཡུལ་མིན་པས།། དུས་གསུམ་སངས་རྒྱས་མ་ལུས་ལ།། རེ་དོགས་བཅད་པའི་བསྟན་པ
33b3 ཉིད།། དགོངས་པས་ཕྱོགས་རིས་མེད་པར་བསྟན།། སྐད་ཅིག་ཙམ་གྱིས་རྫོགས་སངས་རྒྱས།། རེ་དོགས་བཅད་པས་ལྷུན་གྱིས་གྲུབ།། རིག་པ་ལོངས་སྤྱོད་རྫོགས་པ་དེས།། ས་བཅུའི་དབང་ཕྱུག་རྣལ་འབྱོར
33b4 ལ།། དགོངས་པ་ཆོས་ཉིད་བདེ་ཆེན་བཤད།། ཏིང་འཛིན་རིག་པའི་གདེང་གིས་གོ། མ་བགྲོད་སངས་རྒྱས་ས་ལ་གནས།། དུས་གཅིག་སངས་རྒྱས་ས་ལ་བཞག། སྟོན་པ་སྤྲུལ་པའི་སྐུ་ཡིས་ནི།། མངོན་དུ་བསྟན་པའི
33b5 སྐལ་མེད་ལ།། བརྗོད་པའི་ཚིག་གི་ལྡེ་མིག་གིས།། མ་བཅོས་དོན་ལ་བརྒྱུད་དེ་བསྟན།། རང་བྱུང་བྱང་ཆུབ་སྙིང་པོའི་ལུས།། ཕྱོགས་མེད་ཉི་མའི་སྙིང་པོ་ལྟར།། གསལ་ནས་བར་ཆད་མེད་པའི་ལ།། མངོན་དུ་སྐུ
33b6 གསུམ་བསྟན་པ་ལྟར།། མ་འོངས་སྐལ་ལྡན་རྣལ་འབྱོར་ལ།། བརྒྱུད་པ་གསུམ་གྱིས་ཤེས་པར་བྱ།། སྐལ་ལྡན་དབང་པོའི་ཁྱད་པར་གྱིས།། དགོངས་པས་བྱིན་གྱིས་བརླབས་པ་དང་།། མ་རིག་མཉམ་ཉིད་སེམས་ལ
iiif viewer powered by OpenSeadragon
