| e-texts navigator |
| Wylie |
33a1 རྗེས་འདི་སྐད་ཅེས་བཀའ་སྩལ་ཏོ།། དུས་གསུམ་སངས་རྒྱས་ཐམས་ཅད་ཀྱི།། དགོངས་པའི་རིག་པ་སྐྱེ་བ་མེད།། གདོད་ནས་རང་བྱུང་སྙིང་པོ་སྟེ།། མི་ཕྱེད་རྡོ་རྗེ་ཞེས་སུ་བཤད།། མ་བཅོས་རང་བྱུང་ཡེ
33a2 ཤེས་ནི།། མཚོན་པ་རྡོ་རྗེ་གསུམ་ལས་བྱུང་།། ཆོས་ཉིད་མ་བཅོས་རྡོ་རྗེ་ནི།། གྲུབ་ནས་འཇིག་པའི་དུས་མེད་དོ།། སྐྱེ་མེད་རིགས་ལྡན་རྡོ་རྗེ་ནི།། རྡོ་རྗེས་རྒྱས་ཐེབས་བླ་ཡིས།། སྣང་སྲིད་རིག་པ་རྡོ་རྗེ་རུ།། མཚོན་པ་རྡོ
33a3 རྗེས་གཏན་ལ་ཕབ།། རང་བྱུང་རིག་པའི་རྡོ་རྗེ་ནི།། རྒྱུ་རྐྱེན་བྲལ་བས་སྐྱེ་བ་མེད།། གཉེན་པོ་བྲལ་བས་འཇིག་པ་མེད།། བསམ་བྲལ་རིག་པ་ཅིར་མི་དགོངས།། གཉིས་མེད་ཡེ་ཤེས་རྡོ་རྗེ་ནི།། སྟོང་ཉིད་ནམ་མཁའི
33a4 དོན་རྟོགས་པས།། སྣང་སྲིད་བདེ་ཆེན་རྡོ་རྗེ་ཉིད།། མ་བཅོས་རོ་གཅིག་ཁྱད་པར་མེད།། རྡོ་རྗེ་རང་བྱུང་སྙིང་པོ་ཅན།། མ་ལུས་ཀུན་འདུས་གཉིས་སུ་མེད།། བདེ་ཆེན་ཀློང་གི་འོད་བརྡལ་བས།། ཕྱོགས་རིས་མེད་པར
33a5 ཁྱབ་པར་གནས།། རང་བྱུང་རྫོགས་པའི་སྙིང་པོ་ན།། མ་ལུས་འདུས་པའི་སྙིང་པོ་སྟེ།། ཐིག་ལེ་ཕྱོགས་མེད་ནམ་མཁའི་ཀློང་།། ཕྱོགས་མེད་བདེ་བ་ཆེན་པོར་གནས།། མི་ཕྱེད་པ་དང་འཇོམས་པ་དང་།། གཉེན་པོ་མེད
33a6 དང་མི་འཇིག་དང་།། རྟག་པ་ཆེན་པོ་ཉིད་ཀྱི་ཕྱིར།། རྡོ་རྗེ་ཞེས་ནི་བརྗོད་པ་ཡིན།། མ་ལུས་ཆོས་རྣམས་ཐམས་ཅད་ཀུན།། འདུ་ཞིང་འབྱུང་བའི་སྙིང་པོ་སྟེ།། དངོས་རྣམས་ཀུན་གྱི་དེ་ཉིད་དོན།། མ་ལུས་འབྱུང་བའི
iiif viewer powered by OpenSeadragon
