| e-texts navigator |
| Wylie |
32b1 ཆེན་དོན་ལ་གང་སྤྱོད་པ།། དམུས་ལོང་ལམ་སྣ་འདྲེན་པ་ལྟར།། བསྐལ་པ་ནམ་མཁའ་ཟད་པའི་བར།། བདག་ཉིད་བདེར་ཡང་མི་ནུས་ན།། གཞན་དག་གྲོལ་བར་ཇི་ལྟར་འགྱུར།། དེ་བས་ལོག་པའི་བླ་མ་ནི།། ཕྲད
32b2 པས་ལོག་པའི་ལམ་སྟོན་ཅིང་།། འགྲོགས་པས་འཁོར་བའི་མཚན་མ་འཕེལ།། དབང་དང་མན་ངག་བྱིན་པའི་མཐུས།། སྡུག་བསྔལ་བརྐམ་ཆགས་དྲག་པོ་སྐྱེ།། དྲན་པས་ཡིད་སྐྱོའི་འདུ་ཤེས་འབྱུང་།། འདི་ལྟ་བུ་ཡི
32b3 སློབ་དཔོན་ནི།། རྨི་ལམ་དུ་ཡང་མི་བསམ་ན།། ལོངས་སྤྱོད་དབུལ་ཞིང་བཀུར་བ་དང་།། མངོན་དུ་ཕྲད་པ་སྨོས་ཅི་དགོས།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རྣ་བརྒྱུད་ཚིག
32b4 གསུམ་གྱི་ལེའུ་སྟེ་ང་བཞི་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ་འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། རྡོ་རྗེ་རིག་པ་སྙིང་པོའི
32b5 ང་།། བསྒྲུབ་ཅིང་འབད་རྩོལ་བྲལ་བ་ཉིད།། སངས་རྒྱས་ཀུན་གྱི་སྙིང་པོ་ཆེ།། མ་ལུས་ཀུན་འདུས་རིག་པའི་གཏེར།། མགོན་པོ་ཁྱོད་ལ་གསོལ་བ་ནི།། རྡོ་རྗེའི་དོན་ནི་ཇི་ལྟར་ལགས།། སྙིང་པོ་ཞེས་པའི་དོན་ཅི
32b6 ཞིག། གཏན་ལ་དབབ་ཚུལ་ཇི་ལྟ་བུ།། ཕེབས་ན་གནས་ཚུལ་དོན་ཅི་ཞིག། མ་འོངས་སྐལ་ལྡན་དོན་གྱི་ཕྱིར།། བདག་ཅག་རྣམས་ལ་ལེགས་པར་གསུངས།། ཞེས་གསོལ་ཏོ།། དེ་ནས་གསང་བའི་བདག་པོ་ཕྱག་ན་རྡོ
iiif viewer powered by OpenSeadragon
