| e-texts navigator |
| Wylie |
32a1 གིས།། ཚིག་དང་བྲལ་བ་མངོན་དུ་བསྟན།། སྲོག་གི་ཐིག་ལེ་རྒྱུ་བ་ཡིས།། རྒྱུ་བ་མེད་པའི་དོན་དུ་བསྟན།། སྣང་སྲིད་མཚན་མའི་དངོས་པོ་ཡིས།། མཚན་མེད་རིག་པ་མངོན་དུ་བསྟན།། དེ་ལྟར་རིག
32a2 པའི་ཉམས་མྱོང་ཡང་།། དུས་གསུམ་ཉིད་ཀྱིས་ཤེས་པ་ཡིན།། རྣ་བརྒྱུད་ལུང་གི་བདུད་རྩི་ཡིས།། མ་ལུས་སེམས་སུ་མངོན་རྟོགས་ཏེ།། དེ་ཉིད་དངོས་པོ་ཡོད་མིན་པ།། རྒྱུ་བ་ཆད་པའི་དུས་ཀྱིས་གསལ།། རྣ་བས
32a3 མཉན་པས་རིག་པ་ཐོས།། དེ་དང་དེ་དེར་བཅས་པ་ཉིད།། མ་སྐྱེས་སྟོང་པའི་ཀློང་དུ་མཐོང་།། དུས་གསུམ་གཅིག་ལ་ཀུན་རྫོགས་པས།། སྔ་ཕྱི་མེད་པའི་ངོ་བོ་སྟེ།། རིག་པ་མངོན་སུམ་ཉམས་ཀྱིས་གསལ།། དེ་ཉིད
32a4 དུས་གསུམ་ངོ་བོར་གནས།། རེ་དོགས་བཅད་པའི་རྣལ་འབྱོར་ལ།། མ་བསྒོམས་སེམས་ལ་ཡེངས་པ་མེད།། འཕྲ་མེད་རྟོགས་པའི་རྣལ་འབྱོར་ལ།། དུས་གསུམ་གཅིག་ཏུ་བརྟག་པའམ།། འཕེན་པ་དང་པོས་མཚམས
32a5 སྦྱར་ཏེ།། ཆུ་བོ་ལྟ་བུར་མ་ཡེངས་བསྒོམ།། མི་བརྟན་ཡལ་བའི་གང་ཟག་གིས།། མཐོང་ནས་རིག་པའི་ཉམས་མྱོང་ལ།། རི་གཟར་དྲག་པོའི་འབབ་ཆུ་ལྟར།། རྩེ་གཅིག་གནས་པའི་མན་ངག་གིས།། ཇི་སྙེད་ཉམས་མྱོང
32a6 ངོ་བོར་སྡུད།། རིགས་ངན་ལོག་པའི་སློབ་དཔོན་ནི།། རྒྱལ་བའི་བཀའ་བརྒྱུད་མི་ཤེས་ཤིང་།། རྣ་བརྒྱུད་བདུད་རྩི་བྲལ་བ་དང་།། སྤྱི་བླུགས་དབང་དོན་མ་ཐོབ་པར།། ང་རྒྱལ་དྲེགས་པའི་འདུ་ཤེས་ཀྱིས།། རྫོགས
iiif viewer powered by OpenSeadragon
