| e-texts navigator |
| Wylie |
31b1 མཐོང་།། འཕྲུལ་ཚིག་བརྡ་ཡིས་གཏན་ལ་དབབ།། གསང་བའི་དོན་གྱི་རྟོགས་པས་བལྟ།། མ་བཅོས་ཡིན་པར་བཞག་པས་བསྒོམ།། རེ་དོགས་མེད་པའི་ཚུལ་གྱིས་སྤྱད།། སྟོང་ཉིད་ནམ་མཁའི་རྡོ་རྗེ་ལ།། རིག་པས་མ
31b2 བཅོས་བལྟས་པའི་ཚེ།། མ་ལུས་ནམ་མཁའ་ཆེན་པོ་ཉིད།། དེ་ཉིད་དངོས་པོར་སྣང་བ་མཐོང་།། མ་བཅོས་སྣང་བའི་རང་བཞིན་ལ།། རྩེ་གཅིག་དྲན་པས་བལྟས་པའི་ཚེ།། གང་བལྟས་སྟོང་ཉིད་རང་བཞིན་ཏེ།། དེ
31b3 དག་ཇི་བཞིན་ཡིན་པར་མཐོང་།། སྣང་སྲིད་ཇི་སྙེད་མ་ལུས་པ།། སེམས་ཉིད་ཐིག་ལེའི་རང་བཞིན་ལ།། རྟོགས་པར་འདོད་པའི་རྣལ་འབྱོར་པས།། དངོས་པོ་རང་སྣང་མ་རྟོགས་པར།། སྒྲ་དང་ཚད་མ་གཏན་ཚིགས
31b4 དང་།། བཅོས་མའི་ཐབས་ནི་སྣ་ཚོགས་པས།། བཙལ་བས་དངོས་པོའི་དོན་མི་རྙེད།། དངོས་འཛིན་ཕྱོགས་ཀྱི་འདུ་ཤེས་ཀྱི།། ཕྱོགས་བྲལ་ནམ་མཁའི་རང་བཞིན་ལ།། མཐའ་དབུས་མེད་པར་བཙལ་བསྒྲུབས
31b5 ཀྱང་།། སྣང་སྲིད་ནམ་མཁའི་མཐའ་ཚོལ་འདྲ།། གང་ཞིག་མ་བཅོས་རྟོགས་འདོད་པས།། མ་ལུས་ཇི་སྙེད་སྣང་བ་ཀུན།། རྣལ་འབྱོར་གཅིག་གིས་རིག་པ་སྟེ།། འདྲེས་པ་ཕྱེ་ལ་ངོ་བོར་བསྟན།། སྣང་འགྱུར་བ་ཡི་གནས
31b6 སྐབས་ཀྱིས།། སྣང་བ་སེམས་སུ་ཐེ་ཚོམས་མེད།། ཐ་མལ་སྣང་བ་བསྟན་རེག་ཅན།། སྤྱོད་པ་དང་ནི་རེ་དོགས་དང་།། ཤེས་པ་འདུལ་བས་ཉམས་མྱོང་ཡིན།། གང་དུ་རྡོ་རྗེ་བླ་མ་ཡིས།། རྣ་བརྒྱུད་ཚིག་གསུམ་མན་ངག
iiif viewer powered by OpenSeadragon
