| e-texts navigator |
| Wylie |
31a1 སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། སྲོག་ཡེ་ཤེས་ཀྱི་བདུད་རྩི་ནམ་མཁར་ཐིམ་པའི་ལེའུ་སྟེང་གསུམ་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ། འདུས་པ
31a2 ཆེན་པོའི་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། རིག་པ་གསུང་གི་འཁོར་ལོ་བདག། བརྒྱུད་པ་གསུམ་གྱི་གསང་བ་འཆང་།། མགོན་པོ་ཁྱོད་ལ་གསོལ་བ་ནི།། མ་ལུས་སེམས་སུ
31a3 རང་གནས་ཀྱང་།། རང་རྐྱེན་ལོག་པའི་སྟོབས་ཀྱིས་དཀྲུགས།། མ་བཅོས་རྫོགས་པའི་དོན་མ་མཐོང་།། མ་ལུས་སེམས་ཉིད་སྐྱེ་མེད་དུ།། ཁྱེད་ཀྱིས་བྱིན་གྱིས་བརླབ་པར་མཛོད།། ཅེས་གསོལ་ཏོ།། དེ་ནས་གསང
31a4 བའི་བདག་པོ་ཕྱག་ན་རྡོ་རྗེས་འདི་སྐད་ཅེས་བཀའ་བསྩལ་ཏོ།། རང་བྱུང་ཡེ་ཤེས་ཀུན་གྱི་བདག། སངས་རྒྱས་ཀུན་གྱི་སྙིང་པོ་སྟེ།། མ་ལུས་འགྲོ་བ་ཐམས་ཅད་ལ།། གནས་པ་གསུམ་གྱིས་གནས་གྱུར་ཀྱང་།། རྒྱལ
31a5 པོའི་ཕྲུ་དགུ་འཁྱམས་པ་ལྟར།། རང་གི་མཚན་ཉིད་མ་རྟོགས་སོ།། མ་ལུས་སེམས་ཀྱི་རང་བཞིན་ཏེ།། རྒྱུ་བ་བྲལ་བ་མངོན་སུམ་ཉིད།། ཟག་པ་མེད་པའི་དངས་མ་སྟེ།། མ་ལུས་སྙིང་པོར་གཅིག་པ་ཡིན།། གང་དུ་ལོག
31a6 སྟོབས་དྲག་པོ་ཡིས།། མེད་ལས་དངོས་པོར་རགས་པར་སྣང་།། གང་དུ་མཐོང་བའི་སྟོབས་ལོག་པས།། རང་བྱུང་སྙིང་པོའི་འོད་ལ་བསྒྲིབས།། ཐབས་དང་བྲལ་བའི་རྣལ་འབྱོར་པས།། ཇི་ལྟར་བལྟས་ཀྱང་དོན་མི
iiif viewer powered by OpenSeadragon
