| e-texts navigator |
| Wylie |
30b1 ཞིག་བསླུ་བར་འདོད་པ་ན།། རྒྱུ་བ་རིག་པའི་ཐིག་ལེ་ཉིད།། གནས་པ་ཨ་ཡི་ངང་ལ་བསྟིམ།། རླུང་སེམས་ནམ་མཁའི་ཉམས་མྱོང་གིས།། བསྡུས་ཏེ་ནམ་མཁའི་གློང་ལ་ཐིམ།། དང་པོ་རྒྱུ་བའི་ཐིག་ལེ་སྟེ།། གཉིས་པ
30b2 རིག་པའི་ཐིག་ལེ་སྟེ།། གསུམ་པ་གཉིས་མེད་ཐིག་ལེ་ཉིད།། མ་འཕོས་བར་དུ་ངེས་པར་བྱ།། གང་དུ་དམན་པའི་རྣལ་འབྱོར་ལ།། འཆི་བདག་དབང་པོ་བཟློག་པའི་ཕྱིར།། བསམ་གཏན་གསུམ་གྱི་རྣལ་འབྱོར
30b3 གྱི།། འཆི་བའི་རེ་དོགས་རྣམ་པར་གཅད།། ཐིག་ལེ་བསྡུ་བའི་ངོ་བོ་ནི།། ཇི་སྙེད་བྱ་བའི་སྤྱོད་པ་ནི།། བདག་ཉིད་སྤྱི་ཡི་ཚུལ་དུ་སྡུད།། དེ་ཉིད་གནས་པ་འབྱུང་བཞི་རླུང་།། འདི་དག་དུས་ནི་གསུམ་ཡིན་ལ།། མངོན་དུ
30b4 ངེས་ཤེས་མི་སྐྱེ་ལ།། བླ་མས་བྱིན་གྱིས་མ་བརླབས་ན།། ཐུག་ཕྲད་ལམ་ལ་རྨོངས་པ་དང་།། འཆི་མེད་བདུད་རྩི་དོན་མི་རྟོགས།། དུས་གསུམ་རིག་པས་ངེས་མཐོང་ལ།། རྐྱེན་དང་ལྡན་པའི་རྣལ་འབྱོར་པས།། བར
30b5 ཆད་མ་ལུས་བསལ་བྱས་ཏེ།། སྙན་པའི་རོལ་མོར་བཅས་པ་ཡིས།། དོན་དང་ལྡན་པའི་སྒྲ་གསུམ་གྱིས།། ཐུན་ཚད་ཉམས་དང་མཉམ་སྦྱར་ནས།། དྲན་ད་ལ་གསུམ་གྱི་སྒྲ་ཡིས་བསྟན།། ཐ་མ་ཉིན་ཞག་བདུན་གྱིས
30b6 ཏེ། རེ་དོགས་ཆད་པ་ཉམས་མྱོང་གིས།། བར་མ་སྲིད་པའི་ཆོས་མེད་པར།། སྐེ་བ་ལེན་པའི་སྡུག་བསྔལ་བྲལ།། འཁོར་བའི་རེ་དོགས་རྣམ་པར་ཆད།། སྡུག་བསྔལ་ཟད་ནས་བདེ་ཀློང་འཁྱིལ།། ཞེས་གསུངས
iiif viewer powered by OpenSeadragon
