| e-texts navigator |
| Wylie |
30a1 བྱུང་།། རྩེ་མོ་ཕྱོགས་མེད་ནམ་མཁའི་ཀློང་།། ངོ་བོ་ཐིག་ལེ་མི་གཡོ་བ།། བརྟགས་པས་སྟོང་པའི་ངང་དུ་ཐིམ།། གནས་པ་དང་ནི་རྒྱུ་བ་དང་།། ཐིམ་པར་རང་བྱུང་བདེ་ཆེན་གསལ།། མ་ལུས་བདུད
30a2 རྩི་ཐིག་ལེ་ཡིས།། འཆི་བའི་རེ་དོགས་གཅད་པ་ཡིན།། བདུད་རྩི་རྒྱུ་བའི་རིག་པ་ཉིད།། གང་ལ་བརྟེན་པའི་ཡེ་ཤེས་ཏེ།། ཕྱི་ནང་ཕྱོགས་རིས་ཁ་དོག་དབྱིབས།། བར་མའི་རིག་པ་བརྟགས་པ་ལས།། ནམ་མཁའི
30a3 དཀྱིལ་འཁོར་མངོན་དུ་སྣང་།། དང་པོའི་དཀྱིལ་འཁོར་ཕྱོགས་མེད་ལ།། གསང་བའི་དབང་པོས་བལྟས་པ་ལྟར།། དང་པོར་མིག་དང་ཕྲད་པར་བྱ།། དེ་ནས་མཐོང་བའི་དོན་ལ་བརྟག། རིག་པ་གདེང་གི་དོན་ཐོབ
30a4 ནས།། མ་ལུས་ཀུན་ཀྱང་དེ་བཞིན་ཏེ།། ཕྱོགས་མེད་ནམ་མཁའི་རང་བཞིན་ལ།། སྐྱེས་བུས་རལ་གྲི་བཏབ་པའམ།། དད་པའི་རང་བཞིན་འབིགས་པ་ལྟར།། བླུན་པོ་རྟོག་པས་བཅིངས་འགྱུར་གྱི།། དེ་ཉིད་མཐོང་བའི
30a5 རྣལ་འབྱོར་ལ།། འཕོ་བའི་རེ་དོགས་གཅད་པ་ཡིན།། གང་དུ་དེ་དག་བརྟན་གྱུར་ན།། རིག་པ་རྒྱུ་བ་གཉིས་མེད་པ།། སྨིག་སྒྱུ་རླུང་དང་འདྲེས་པ་ལྟར།། དེ་ཉིད་རིག་པའི་སྟོབས་ཀྱིས་བསྒོམ།། དེ་ལྟར་གསལ་བརྟན
30a6 འཇིགས་བྲལ་ན།། སྔ་ཕྱི་སྐྱེ་གནས་འཇིགས་པ་མེད།། ནམ་མཁའ་བསྒྲིབས་མེད་དངས་པ་ལ།། གསལ་བ་འཆར་ནུབ་མེད་པ་ལྟར།། རང་བཞིན་མ་སྐྱེས་ཕྱོགས་མེད་ལ།། རིག་པ་འཆར་ནུབ་མེད་པར་བརྡལ།། ནམ
iiif viewer powered by OpenSeadragon
