| e-texts navigator |
| Wylie |
29b1 འདི།། རྣ་བརྒྱུད་འཕྲུལ་ཚིག་མི་ལྡན་པར།། རང་བརྟགས་ལོག་པའི་འདུ་ཤེས་ཀྱིས།། ཡིད་སྤྱོད་རྫོགས་སུ་གང་འཇུག་པ།། བླ་མ་སློབ་མར་བཅས་པ་རྣམས།། བདུད་རྩི་དུག་ཏུ་གྱུར་པ་ལྟར།། ལྟ་སྤྱོད་ལོག་པའི་ང
29b2 རྒྱལ་གྱིས།། རྡོ་རྗེའི་ཁབ་ཏུ་ལྟུང་གྱུར་ནས།། བྱང་ཆུབ་སེམས་ཀྱི་རིགས་དང་བྲལ།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རྡོ་རྗེ་སྙིང་པོའི་རྒྱུད་མན་ངག་གིས་གཏན་ལ་ཕབ་པའི
29b3 ལེའུ་སྟེ་ང་གཉིས་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ།། འདུས་པ་ཆེན་པོའི་ཚོགས་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། སྙིང་པོ་རང
29b4 བྱུང་རྒྱལ་པོ་ལ།། སྐྱེ་ཤི་རེ་དོགས་མི་གནས་ཀྱང་།། ཐུགས་རྗེའི་མངའ་བདག་ཁྱོད་ཀྱིས་ནི།། འཆི་བདག་ཡེ་ཤེས་ལ་བཟླས་ཏེ།། འགྲོ་བར་རེ་དོགས་གཅོད་པར་མཛོད།། ཅེས་ཞུས་སོ།། དེ་ནས་དེ་བཞིན་གཤེགས
29b5 པ་ཐམས་ཅད་ཀྱི་གསང་བའི་བདག་པོ་དེས་འདི་སྐད་ཅེས་བཀའ་སྩལ་ཏོ།། རང་བྱུང་རིག་པའི་རྒྱལ་པོ་ཉིད།། མ་ལུས་ཀུན་གྱི་རང་བཞིན་ཡང་།། དེ་ཉིད་ཀུན་བཟང་རིག་པ་སྟེ།། ཐོག་མ་མཐའ་མ་དངོས་མེད
29b6 པས།། དེ་ཉིད་བདེ་བ་ཆེན་པོ་ལ།། དྲན་རྟོག་བདེ་སྡུག་ཅིར་སྣང་ཡང་།། མ་བཅོས་བདུད་རྩིའི་ཐིག་ལེར་བརྟག། རང་བྱུང་བདུད་རྩིའི་ཕོ་བྲང་ནས།། གསང་བའི་ཐིག་ལེ་འདུ་ཞིང་འཕྲོ།། རྩ་བ་མ་སྐྱེས་ཨ་ལས
iiif viewer powered by OpenSeadragon
