| e-texts navigator |
| Wylie |
27b1 འོད་དང་རིན་ཆེན་ལྟར།། གཟན་ལས་བྱུང་དང་བསྒྲུབས་པ་དང་།། བཙལ་དང་བགྲོད་པའི་འབྲས་བུ་མིན།། རྒྱ་མཚོ་ཆུ་དང་རྦ་རླབས་ལྟར།། སྣ་ཚོགས་སྣང་ཡང་གཞན་བྱུང་མིན།། རང་བྱུང་ལྷུན་རྫོགས་འབྲས་བུ
27b2 ལ།། བདག་གཞན་དོན་ཀུན་རྫོགས་པར་གནས།། ངོ་བོ་གཅིག་ལས་མ་གཡོས་ཀྱང་།། རོལ་པ་གཞན་དོན་འབུམ་ཕྲག་ཡས།། གང་ལྟར་མཐུན་པའི་བསམ་པ་ལྟར།། མཛད་པའི་བྱིན་རླབས་འོད་ལྟར་འཕྲོ།། མ
27b3 བཅོས་རྫོགས་ཆེན་བསྟན་པ་འདི།། རྣ་བརྒྱུད་ཚད་མའི་དོན་བྲལ་ཞིང་།། མ་བཅོས་དོན་གྱི་གདེང་མེད་ན།། ལུང་དང་སྒྲ་དང་ཡིད་སྤྱོད་ཀྱིས།། རྒྱ་མཚོ་འཇིངས་ཀྱི་ཕ་བོང་ལྟར།། རང་སྣང་རྟོགས་པའི་ཉམས་མེད
27b4 པར།། གཞན་དོན་མཛད་པའི་སྐྱེས་བུ་དེས།། ཕ་རོལ་ཇི་ལྟར་ཐར་བར་འགྱུར།། གཉིས་ཀ་སྦྲེལ་མ་གཡང་འགྲིལ་ལྟར།། འཁོར་བའི་མཐའ་མར་ལྷུང་གྱུར་ནས།། རེ་དོགས་གནས་ལས་ཐར་པ་མེད།། ཅེས་གསུངས
27b5 སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། དོན་རྣམ་གྲངས་ཀྱིས་གཏན་ལ་བབ་པའི་ལེའུ་སྟེ་ང་གཅིག་པའོ།། །། དེ་ནས་སེམས་དཔའ་རྡོ་རྗེ་དམ་པ་ལ། འདུས་པ་ཆེན་པོ་རིག་པ་རང་སྣང་གི
27b6 འཁོར་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ཀྱི་དགོངས་པ་ཆེ།། ནམ་མཁའི་མཐའ་དང་མཉམ་པའི་རྒྱུད།། རྩ་བའི་སྙིང་པོ་ལས་གསུངས་པ།། མན་ངག་དགུ
iiif viewer powered by OpenSeadragon
