| e-texts navigator |
| Wylie |
27a1 ཤེས་རྒྱ་མཚོ་བསམ་བྲལ་བ།། ཡེངས་དང་མ་ཡེངས་འདུ་ཤེས་མེད།། རེ་དོགས་སྤངས་པའི་བསམ་པ་ཉིད།། ནམ་མཁའི་མཐའ་དང་མཉམ་པར་འཇུག། དང་པོར་མོས་པ་ཚོགས་སྤྱོད་དེ།། གཉིས་པ
27a2 ནམ་མཁའ་རྡོ་རྗེ་ཉིད།། གསུམ་པ་འགྲོ་འདུལ་ཐབས་སུ་འདོད།། སྡུག་བསྔལ་རྩོལ་སྒྲུབ་བཅས་པ་ཡི།། བསམ་གྱིས་མི་ཁྱབ་དུས་སུ་བསྟན།། བདེ་བ་ཆེན་པོས་ཉམས་སུ་བླང་།། དང་པོར་མོས་པས་འཇུག་པ
27a3 སྟེ།། གཉིས་པ་རྟོག་པའི་ཚུལ་གྱིས་འཇུག། གསུམ་པ་གདེང་དུ་གྱུར་པའོ།། དང་པོར་རིག་ཅན་གང་ཟག་དེ།། གཉིས་པ་རྟོགས་པའི་གང་ཟག་ཡིན།། གསུམ་པ་མཐར་ཕྱིན་གང་ཟག་གོ། དང་པོ་རང་རྒྱུད་འདུ་ཤེས
27a4 ཅན།། གཉིས་པ་དྲན་སྣང་གློ་བུར་བ།། གསུམ་པ་མ་བཅོས་ཉིད་དུ་གསལ།། དང་པོར་མི་མཁས་ཤེས་པ་སྟེ།། གཉིས་པ་མཁས་པའི་འདུ་ཤེས་ཡིན།། གསུམ་པ་མ་བཅོས་ཉིད་དུ་བསྟན།། དང་པོར་དགེ་བ་དང་དུ
27a5 བླང་།། གཉིས་པ་གཉིས་ཀ་མི་ལེན་ཏེ།། གསུམ་པ་དགེ་སྡིག་གཉིས་ཀ་སྤྱོད།། དང་པོར་རྩེ་གཅིག་དགོངས་པ་སྟེ།། གཉིས་པ་རྟོགས་པ་འི་དགོངས་པ་ཡིན།། གསུམ་པ་ཕྱོགས་རིས་མེད་པ་བསྟན།། མ་ལུས་དྲན
27a6 རྟོགས་ཏིང་འཛིན་མཆོག། སྣང་བ་མ་ལུས་རིག་པའི་ཉམས།། མ་བགྲོད་རིག་པ་ཀློང་གི་ས།། དུས་གཅིག་སངས་རྒྱས་ས་ལ་བཀོད།། མ་བཙལ་ལྷུན་གྱིས་གྲུབ་པ་ཉིད།། རྒྱུ་རྐྱེན་བརྩོལ་བ་ལས་འདས་པ།། རང་བྱུང
iiif viewer powered by OpenSeadragon
