| e-texts navigator |
| Wylie |
26b1 རྟོགས།། བཤད་པའི་ཚུལ་ནི་བདག་ལ་གསུངས།། ཞེས་གསོལ་ཏོ།། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། སྐུ་གསུང་ཐུགས་ནི་གསང་བའི
26b2 གཏེར།། ནམ་མཁའ་མཐའ་དང་མཉམ་པའི་རྒྱུད།། རྡོ་རྗེ་སྙིང་པོ་གསང་བའི་ལུང་།། རང་བྱུང་སྙིང་པོ་དབྱེར་མེད་ན།། མ་ལུས་སྟོན་པ་ཤེས་བྱའི་ཕྱིར།། མ་བཅོས་གཞི་དང་དམ་པའི་ལམ།། ལྷུན་གྱིས་གྲུབ་པའི་ལམ
26b3 དུ་བསྟན།། མ་བཅོས་རྡོ་རྗེ་སྙིང་པོའི་རྒྱུད།། ནམ་མཁའི་མཐའ་དང་མཉམ་སྦྱོར་བའི།། སངས་རྒྱས་སེམས་ཅན་དབྱེར་མེད་པ།། ལྷན་ཅིག་གནས་པའི་ནུས་པ་དང་།། གདོད་ནས་ལྷུན་གྱིས་རྫོགས་པར་གནས།། རིན
26b4 ཆེན་ལམ་གྱི་གོམས་བྱ་བ།། སྲོག་ཆགས་ཕྱོགས་མེད་བགྲོད་པ་ལྟར།། ལོག་པའི་ལྟ་སྤྱོད་ཅིར་སྣང་ཡང་།། ཉམ་ང་ལོག་པའི་འདུ་ཤེས་མེད།། བརྗོད་པ་ཚིག་ལམ་ལ་བརྟེན་ནས།། དོན་དམ་རྟོགས་པ་འབྱུང་བར
26b5 འགྱུར།། དང་པོར་བརྡ་དོན་སྤྲད་པ་དང་།། གཉིས་པ་དོན་ལ་ཕྲད་པ་ཡིན།། གསུམ་པ་དོན་དང་བྲལ་བ་ཡིན།། བཞི་པ་མ་བཅོས་ལུང་དུ་འཇུག། དང་པོ་གཏན་ལ་འབེབས་པའི་དུས།། གཉིས་པ་གཏན་ལ་ཕེབས
26b6 པའི་དུས།། གསུམ་པ་ངེས་པ་རྙེད་པའི་དུས།། བཞི་པ་གདེང་དུ་གྱུར་པའོ།། པྲ་ཁྲིད་སྒྲ་ཡི་མན་ངག་དང་།། ངེས་པ་གདེང་གི་མན་ངག་དང་།། རིག་པ་ཐལ་ཕྱུང་མན་ངག་དང་།། ཡེ་ཤེས་ཀློང་གི་རིམ་པར་བསྟན།། ཡེ
iiif viewer powered by OpenSeadragon
