| e-texts navigator |
| Wylie |
25b1 བརྒྱུད་པར།། སྤྱི་བླུགས་ཚངས་པའི་དབང་གིས་བསྟན།། མ་ལུས་ཐབས་ཆེན་གཅིག་ཏུ་བསྟན།། སྐལ་ལྡན་ལས་ཀྱིས་ཕྲད་པ་ལ།། དགོངས་པ་བྱིན་རླབས་ཚུལ་གྱིས་བསྟན།། རིག་པའི་ཉམས་ལ་ཆགས་པ
25b2 ན།། སེམས་དང་ཉམས་ཀྱིས་གསལ་བར་ཤེས།། མོས་ལྡན་ཕྲད་པར་དཀའ་བ་ལ།། རྣམ་བརྒྱུད་འཕྲུལ་ཚིག་སྒོ་ནས་བསྟན།། སྐལ་མེད་ལས་ཀྱིས་བསྒྲིབས་པ་ལ།། ཐབས་ཀྱི་ཁྱད་པར་གང་བསྟན་ཡང་།། ཐམས
25b3 ཅད་ལ་ནི་མེ་ལོང་ལྟར།། བལྟས་ཀྱང་གཟུགས་བརྙན་མི་སྣང་ངོ་།། ཐབས་ཀྱི་ཁྱད་པར་ཅི་བསྟན་པ།། གོ་ཞིང་རྟོགས་པ་གཅིག་ལས་མེད།། རྒྱ་མཚོ་ཆུ་བོ་ཇི་བཞིན་ནོ།། དངོས་དོན་ཐབས་ཀྱིས་གང་རྟོགས
25b4 ནས།། རིག་པ་དང་པོའི་གདེང་ལྡན་པ།། ཕྱི་ནང་སྤྱོད་ཡུལ་མ་ལུས་ལ།། རིག་དང་དྲན་པས་གང་གསལ་བ།། རིན་ཆེན་གླིང་ལ་ཕྱིན་པའམ།། འབྲུ་བཅུད་ཉམས་སུ་མྱོང་བའམ།། འཁྲུལ་པ་གསལ་བའི་ཤེས་པ
25b5 ལྟར།། རིག་པ་གཅིག་ཏུ་ཉམས་མྱོང་བ།། རེ་དོགས་རྣམ་པར་བཅད་པའི་སེམས།། ཕྱོགས་བྲལ་ཡེ་ཤེས་ཆེན་པོར་རྒྱས།། མ་བཅོས་སོ་མར་ཉག་གཅིག་པས།། དུས་གསུམ་འབྱེད་པའི་ཆོས་མེད་དེ།། སྔ་ཕྱི་མེད་པའི
25b6 ངོ་བོར་གཅིག། རྟོགས་པའི་ཡེ་ཤེས་ཡེངས་པ་མེད།། ཆུ་བོའི་རླབས་སམ་ཁ་དོག་གམ།། ཆུ་བོ་ཆུ་བུར་ཇི་བཞིན་དུ།། ཞག་དང་ཟླ་བ་ནས་བཟུང་ནས།། བསྐལ་པ་བྱེ་བ་མཐའ་ཀླས་པར།། རྒྱ་མཚོ་རླན་གྱི་ངོ་བོ
iiif viewer powered by OpenSeadragon
