| e-texts navigator |
| Wylie |
25a1 ཏོ།། དེ་ནས་སེམས་དཔའ་ཆེན་པོ་གསང་བའི་བདག་པོས་འདི་སྐས་ཅེས་བཀའ་སྩལ་ཏོ།། ཀྱེ་འདུས་པའི་ཚོགས་འདི་ལྟ་སྟེ།། མ་ལུས་སེམས་ཀྱི་རང་བཞིན་ལས།། རྒྱུ་འབྲས་ལམ་དང་འབྲས་བུ
25a2 དང་།། གཞི་དང་ལམ་དང་འབྲས་བུ་དང་།། སངས་རྒྱས་སེམས་ཅན་ལ་སོགས་པ།། མ་ལུས་འདུས་པའི་ངོ་བོ་ཉིད།། ཕྱི་ནང་སྣོད་བཅུད་མ་ལུས་པ།། ནམ་མཁའི་ངང་དུ་འདུས་པ་ལྟར།། སྣང་སྟོང་རིག་པའི་ཆོས
25a3 རྣམས་ཀུན།། རང་བྱུང་རྒྱལ་པོར་གདོད་ནས་གཅིག། ཐོག་མཐའ་མེད་པའི་རང་བཞིན་ནི།། ཆོས་རྣམས་ཀུན་གྱི་རང་བཞིན་ཏེ།། ནམ་མཁའི་མཐའ་དང་མཉམ་སྦྱོར་བས།། རྡོ་རྗེ་སྙིང་པོའི་ངོ་བོར་གནས།། ནམ
25a4 ཁའ་རང་བཞིན་དྭངས་པ་ལ།། ཇི་སྙེད་པ་ཡི་ཆོས་སྣང་བ།། རིམ་པ་མ་འདྲེས་གནས་གྱུར་ཀྱང་།། དེ་ཡི་ངོ་བོར་གཅིག་པ་ལྟར།། མ་ལུས་ཆོས་རྣམས་མཐའ་ཡས་པ།། སེམས་ཉིད་མ་སྐྱེས་ངོ་བོར་གཅིག། མ་བཅོས
25a5 གནས་པའི་རང་བཞིན་ལ།། གང་ཞིག་རྗེས་སུ་སྤྱད་པའི་ཆོས།། སྒྲ་དང་ཚད་མ་གཏན་ཚིགས་དང་།། བཅོས་མའི་སྦྱོར་བ་མཐའ་ཡས་པ།། བརྒྱུད་པའི་སྒོ་ནས་བསྟན་པ་ཀུན།། བསྐལ་པ་གངྒཱའི་བྱེ་སྙེད་དུ།། བསྒྲུབས
25a6 ཤིང་བཙལ་བས་མི་རྙེད་པའི།། རྟོག་པའི་རྣལ་འབྱོར་ལ་སོགས་པའི།། ཐབས་ལ་མི་གནས་བལྟོས་མི་བྱེད།། གང་གིས་བཤད་པ་དེ་དག་ཀུན།། སངས་རྒྱས་མངོན་སུམ་བྱིན་རླབས་ཀྱིས།། གཞན་ལ་མ་བསྟན་མ
iiif viewer powered by OpenSeadragon
