| e-texts navigator |
| Wylie |
24b1 སེམས་སུ་འདུས་པ་ཡིན།། དོན་གཅིག་མ་ལུས་ཀུན་རྫོགས་པས།། ཀློང་དགུ་ཐུགས་ཀྱི་ཡང་སྙིང་འདི།། རྡོ་རྗེ་འཕྲུལ་གྱི་ཚིག་གིས་བསྟན།། མ་བཅོས་རིག་པ་ཉམས་ཀྱིས་གོ། བསྟན་པའི་བྱེ་བྲག་ཇི་སྙེད་པ།། སྙིང་པོ
24b2 དོན་དུ་ཀུན་འདུས་པས།། དངོས་དོན་རྟོགས་པའི་སྐད་ཅིག་ལ།། བསྟན་པ་མ་ལུས་དུས་གཅིག་རྟོགས།། སྙིང་པོ་རོ་དང་རྣམ་པ་ལྟར།། གང་ལྟར་སྣང་ཡང་གཅིག་ཏུ་མྱོང་།། ཐ་དད་མེད་དེ་ངོ་བོ་གཅིག། རང་བཞིན
24b3 ནམ་མཁའི་མཐའ་ལྟར་ཁྱབ།། ཐུགས་རྗེ་བསྟན་པ་སྐར་ལྟར་བཀྲམ།། ཏིང་འཛིན་རྒྱ་མཚོ་རླུང་ལྟར་ཟབ།། སྤྱོད་པ་ཕྱོགས་བྲལ་ཀུན་ཏུ་སྤྱོད།། གང་ཡང་ཀློང་དགུར་མ་འདུས་མེད།། ཅེས་གསུངས་སོ།། ནམ་མཁའི
24b4 མཐའ་དང་མཉམ་པའི་རྒྱུད་ཆེན་པོ་ལས།། ཀློང་དགུའི་དབྱེ་བ་བཤད་པའི་ལེའུ་སྟེ་ཞེ་དགུ་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ།། འདུས་པ་ཆེན་པོའི་ཚོགས་ཀྱིས་འདི་སྐད་ཅེས་གསོལ
24b5 ཏོ།། སངས་རྒྱས་ཀུན་གྱི་རང་བཞིན་ཁྱོད།། མ་ལུས་སྐུ་གསུང་ཐུགས་ལ་རྫོགས།། མི་ཕྱེད་རྡོ་རྗེའི་ངོ་བོར་གཅིག། མགོན་པོ་ཁྱོད་ལ་གསོལ་བ་ནི།། ཀློང་དགུའི་བསྟན་པ་ཇི་སྙེད་པ།། གནས་པའི་ངོ་བོ་ཇི་ལྟར
24b6 གཅིག། རྟོགས་པའི་ཐབས་ནི་ཇི་ལྟར་གཅིག། རིག་པའི་ཉམས་ནི་ཇི་ལྟ་བུ།། འབྲས་བུ་ཁྱད་པར་ཇི་ལྟར་གཅིག། གཅིག་ཏུ་བསྟན་པའི་དགོས་པ་གང་།། བདག་ཅག་རྣམས་ལ་བཤད་དུ་གསོལ།། ཞེས་གསོལ
iiif viewer powered by OpenSeadragon
