| e-texts navigator |
| Wylie |
24a1 རོ།། གང་ཕྱིར་ཐེག་པའི་སྙིང་པོ་ཉིད།། ཐབས་ཆེན་གསང་བའི་རིག་པ་ཡིས།། དགུ་རུམ་སྦས་པའི་དོན་གསལ་ན།། ཕྱོགས་རིས་མེད་པའི་ཀློང་དུ་བརྡལ།། རང་བྱུང་ཐེག་པའི་སྙིང་པོ་ཉིད།། དངོས
24a2 དབང་གཅིག་ལས་མི་གནས་ཀྱང་།། གང་ཟག་བློ་ཡི་བྱེ་བྲག་གིས།། གཞི་ལམ་འབྲས་བུར་རྣམ་པར་སྣང་།། རང་བཞིན་གནས་པོའི་ཀློང་དགུ་དང་།། མ་བཅོས་རྟོགས་པའི་གློང་དགུ་དང་།། ཐུགས་རྗེ་རོལ་པའི་ཀློང
24a3 དགུ་ཉིད།། སྐབས་ཀྱིས་ཁྱད་པར་སོ་སོར་སྣང་།། མ་བཅོས་རོལ་བ་རང་སྣང་དང་།། ཞེན་རྟག་རྟོགས་པ་རང་སྣང་གཉིས།། བྱེ་བྲག་མ་ཕྱེད་གཏི་མུག་བློ།། དངོས་ཉིད་གཏན་ལ་མ་ཕེབས་པར།། ང་རྒྱལ་དྲེགས་པའི
24a4 གདེང་ཚིག་གིས།། འདོད་ལྔ་བབ་ཆོལ་སྤྱད་པ་ལོག། དེ་ཡི་དུས་ཀྱི་གང་ཟག་རྣམས།། སྦྲེལ་མ་གཡང་དུ་འགྲིལ་བ་བཞིན།། བླ་མ་ངན་པའི་རྗེས་འབྲངས་ནས།། རྡོ་རྗེའི་ཁབ་ཏུ་ལྟུང་གྱུར་ནས།། བྱང་ཆུབ་སེསམ་ཀྱི
24a5 རིགས་དང་བྲལ།། མ་བཅོས་རྫོགས་པའི་ངོ་བོ་ཉིད།། བརྡ་ཚིག་ཞེན་བརྗོད་ཀུན་བྲལ་ཡང་།། མཚན་མ་བརྡ་ཚིག་ཞེན་པ་རྣམས།། བརྗོད་པས་དོན་ལ་དགོད་པ་དང་།། ཐེག་པ་ཀུན་གྱི་དོན་རྣམས་ནི།། འདི་ལ
24a6 རྫོགས་པར་བསྟན་པ་དང་།། མ་འདྲེས་ཁྱབ་པར་བསྟན་པའི་ཕྱིར།། ཀློང་དགུའི་ཁྱད་པར་བསྟན་པ་ཡིན།། དེ་དག་གང་ལྟར་སྣང་གྱུར་ཀྱང་།། རང་བྱུང་སྙིང་པོ་དེ་ཤར་ཕྱིར།། རྒྱ་མཚོ་ཆུ་བོ་འདུ་འཕྲོ་ལྟར།། མ་ལུས
iiif viewer powered by OpenSeadragon
