| e-texts navigator |
| Wylie |
23b1 བདག། ཐེག་པ་ཀུན་གྱི་རྩ་བ་ཡིན།། མ་བཅོས་སྙིང་པོ་རྫོགས་པ་ལ།། ཐ་དད་རྣམ་པ་མི་སྣང་བས།། རྣམ་པར་དབྱེ་བའི་ཆོས་མེད་ཀྱང་།། རོལ་པའི་སྙིང་པོ་དགུ་རུ་ཤར།། ལྟ་བ་ཕྱོགས་རིས་མེད་པའི་ཀློང་།། སྤྱོད་པ
23b2 བླང་དོར་མེད་པར་སྤྱོད།། མཐའ་དབུས་མེད་པའི་སྙིང་པོ་ལེན།། རང་བྱུང་ཐབས་ཀྱིས་རྟོགས་པའི་དབང་།། རང་བྱུང་དོན་ལ་འདས་པ་མེད།། བྱ་བཙལ་ཀུན་བྲལ་འཕྲིན་ལས་རྫོགས།། མ་ལུས་དྲན་བསམ་ཏིང
23b3 འཛིན་ཀློང་།། ཡེ་ཤེས་མ་བསྒྲིབས་ཕྱོགས་རིས་མེད།། འབྲས་བུ་ལྷུན་རྫོགས་བྱ་བཙལ་མེད།། རོལ་བའི་བྱེ་བྲག་དགུར་ཤར་ཡང་།། བྱང་ཆུབ་སེམས་ལ་དབྱེ་བ་མེད།། ཇི་ལྟར་སྣར་བའི་ཆོས་རྣམས་ཀུན།། རང
23b4 བྱུང་རྫོགས་པའི་ངོ་བོ་སྟེ།། ཕྱི་ནང་སྤྱོད་ཡུལ་དྲན་རྟོག་དང་།། བདེ་སྡུག་མཐོ་དམན་མ་ལུས་ཀུན།། རྒྱུ་རྐྱེན་ངོ་བོ་ཐ་དད་མེད།། ཆུ་ཡིས་འཁོར་ལོ་བསྐོར་བ་ལྟར།། ཆུ་རླབས་རི་མོ་ཅིར་ཡང་སྣང་།། ངོ་བོ་གཅིག་ཏུ
23b5 གནས་པ་ལྟར།། ཇི་ལྟར་སྣང་གྲངས་དྲན་རྟོག་ཀུན།། རང་བྱུང་སྟོང་པའི་ཀློང་དུ་བརྡལ།། མ་ལུས་བྱང་ཆུབ་ལུང་དུ་བསྡུས།། རང་བཞིན་གནས་དང་རྟོགས་པ་དང་།། མཐར་ཕྱིན་སྤྱོད་ཡུལ་ཐམས་ཅད་ལ།། ཕྱོགས
23b6 རིས་མེད་དང་སེལ་མེད་པས།། དེ་ཕྱིར་འདི་ལ་ཀློང་ཞེས་བརྗོད།། གཞན་དུ་ལྟ་བས་མི་གནས་ཏེ།། ཐ་དད་པ་དང་དགག་སྒྲུབ་དང་།། གཉིས་འཛིན་རྒྱུ་འབྲས་ལ་སོགས་པ།། ཕྱོགས་རིས་སེལ་དང་ལྡན་ཕྱིར
iiif viewer powered by OpenSeadragon
