| e-texts navigator |
| Wylie |
22b1 བའི་ཐེག་པ་འདི།། རྣ་བརྒྱུད་གདམས་པ་ནུབ་པ་དང་།། ལྷ་སྤྱོད་ལོག་པའི་གདེང་ལྡན་དང་།། མཚན་མ་སྒྲ་ལ་ཞེན་པ་དང་།། སྐལ་བར་ལྡན་དང་མི་ལྡན་པའི།། འདུས་པ་མང་པོ་བསྟན་པ་དང་།། བླ་མ་རང་རྟོག་ཞེན
22b2 པ་ཡིས།། ང་ཉམས་ཞེན་པས་བཤད་པ་དང་།། རྣམ་པར་དཀར་བའི་ལམ་བོར་ནས།། ཉོན་མོངས་ཞེན་པའི་ལས་བྱེད་དང་།། ཐུན་མོང་ཐེག་པ་ལ་སྨད་པས།། ཉོན་མོངས་ཞེན་པས་རྩོད་པའི་མཐུས།། བསྟན་པའི
22b3 སྙིང་པོ་ནུབ་པར་འགྱུར།། དེ་ནས་འཛམ་གླིང་དབུས་སུ་དར།། སྐལ་ལྡན་འབྲེལ་བའང་འབྱུང་བར་འགྱུར།། དེ་ནས་ལྷོ་ཕྱོགས་རྒྱུད་དུ་རྒྱས།། ནུབ་ཀྱི་ཕྱོགས་སུའང་རྒྱས་པར་འགྱུར།། བྱང་གི་ཕྱོགས་དང་ཤར་ཕྱོགས
22b4 སུ།། མ་བཅོས་རྫོགས་པའི་ཐེག་པ་འདིས།། སྣང་བའི་སྒྲོན་མ་བྱེད་པར་འགྱུར།། དེར་ཡང་སྐལ་ལྡན་དམ་པ་རྣམས།། རྣམ་གྲོལ་ས་ལ་འགྲོ་བར་འགྱུར།། རྣ་བརྒྱུད་གཏེར་ལ་མ་ཆད་པ་དང་།། ལྷ་སྤྱོད་ལོག་པའི་ང
22b5 རྒྱལ་ཅན།། མཚན་མ་ཚིག་ལ་ཞེན་པ་རྣམས།། རྡོ་རྗེའི་ཁབ་ཏུ་ལྟུང་བར་འགྱུར།། རང་བྱུང་བྱང་ཆུབ་སྙིང་པོ་འདི།། མ་ལུས་སྙིང་ལ་གནས་པ་སྟེ།། དུས་གསུམ་འགྱུར་བ་མེད་པའི་སེམས།། མ་བཅོས་སེམས་ལ་འགྱུར
22b6 བ་མེད།། དེ་བཞིན་ལུང་བསྟན་ལྡན་པ་ཡིས།། སྐལ་ལྡན་རྒྱལ་སྲས་སློབ་མ་ལ།། ཐབས་ཀྱིས་མ་བཅོས་དོན་བསྟན་ནས།། འཁོར་བ་རང་གྲོལ་དོན་རྟོགས་ན།། དུས་ལ་འགྱུར་བ་ཡོད་མ་ཡིན།། སྔ་ཕྱི་མེད་པའི་ད་ལྟ
iiif viewer powered by OpenSeadragon
