| e-texts navigator |
| Wylie |
22a1 འཁོར་ལོར་གྲོལ།། གཅོད་རོང་ཡེ་ཤེས་ཆེན་པོར་བརྡལ།། སྒོ་གསུམ་སྐུ་གསུང་ཐུགས་སུ་སྦར།། རེ་དང་དོགས་པ་ཀུན་ཆད་དེ།། མ་ལུས་ནམ་མཁའི་དཀྱིལ་འཁོར་ལྟར།། ཕྱོགས་འཛིན་རྒྱུ་བའི་ཡིད
22a2 ལས་འདས།། མ་ལུས་སྐུ་གསུང་རྡོ་རྗེ་ཉིད།། གར་ཡང་མ་ཕྱིན་རྟོགས་པས་སྨིན།། འབྲས་བུ་རང་འབར་བདེ་ཆེན་འགྲུབ།། སྐལ་ལྡན་རྡོ་རྗེ་ལུས་འདི་ལ།། སྙིང་པོ་རང་བྱུང་འོད་ཀྱི་མཆོག། ཕྱོགས་ལས་འདས་པའི
22a3 རིན་པོ་ཆེ།། ཚིག་གཅིག་དོན་ཀུན་རྫོགས་པའི་བདག། རྡོ་རྗེ་ཚིག་གི་སྒྲོན་མ་ཡིས།། དགུ་རུམ་སྦས་པས་དོན་གསལ་ནས།། མ་བགྲོད་ས་རྣམས་དུས་གཅིག་མནན།། མཐའ་དབུས་མེད་པའི་ནམ་མཁའ་ལ།། ཕྱོགས
22a4 འཛིན་བྲལ་བའི་བློ་ཡིས་ལྟ།། བླང་དོར་བྲལ་བའི་སྒོ་གསུམ་ཉིད།། འཛིན་པ་ལོག་པའི་ཚུལ་གྱིས་འཇུག། སྣང་སྲིད་མ་བཅོས་བདེ་བའི་ས།། རྟོགས་པ་ཉིད་ཀྱི་ཕ་རོལ་ཕྱིན།། དཀའ་བས་སྤྱད་པའི་མངོན་གྱུར
22a5 པའི།། སྐུ་གསུང་ཐུགས་ཀྱི་རྡུལ་སྙེད་དང་།། དཀའ་ཐུབ་སྡོམ་པར་རབ་བསྡམས་ཤིང་།། བསྙེན་བསྒྲུབ་རྩོལ་བ་ལས་བྱུང་བའི།། སྐུ་གསུང་ཐུགས་ཀྱི་རྡུལ་སྙེད་ཀུན།། ནམ་མཁའི་དབྱིངས་ཀྱི་མཐའ་དོན་རྟོགས
22a6 ནས།། སྐད་ཅིག་ཙམ་གྱིས་གྲོལ་བར་འགྱུར།། རྣ་བརྒྱན་གསང་བའི་འཕྲལ་ཚིག་འདི།། གསང་བའི་རིགས་ཅན་འགའ་ཞིག་ལ།། ཕྱིན་ཅི་ལོག་དང་དམན་པ་ལ།། མངོན་དུ་སྣང་བར་མི་འགྱུར་རོ།། དེ་དག་གསང
iiif viewer powered by OpenSeadragon
