| e-texts navigator |
| Wylie |
21a1 གསང་བའི་ལུང་།། འཕྲུལ་ཚིག་རྡོ་རྗེ་ལུ་གུ་བརྒྱུད།། གསང་བའི་རིག་པའི་ཁ་སྦྱོར་ཏེ།། ཕྱི་ལྟ་ནང་ལྟ་སེམས་སུ་སྦྱོར།། རྩ་བའི་ཕུན་སུམ་ཚོགས་པར་བཤད།། ཅེས་གསུངས་སོ།། ནམ་མཁའི་མཐའ
21a2 དང་མཉམ་པའི་རྒྱུད་ཆེན་པོ་ལས། ཕུན་སུམ་ཚོགས་པ་རྩ་བ་གཅིག་ཏུ་བཤད་པའི་ལེའུ་སྟེ་སུམ་ཅུ་བརྒྱད་པའོ།། །། དེ་ནས་ཡང་སེམས་དཔའ་རྡོ་རྗེ་དམ་པ་ལ། རང་སྣང་རོལ་བའི་འཁོར་ཚོགས་ཀྱིས་འདི་སྐད
21a3 ཅེས་གསོལ་ཏོ།། སྐུ་གསུང་ཐུགས་ཀྱི་བདག་ཉིད་ཁྱོད།། རང་བྱུང་སྙིང་པོའི་དོན་ལ་འདུས།། རང་སྣང་འོད་ཀྱི་སྣང་བའི་མཆོག། མགོན་པོ་ཁྱོད་ལ་གསོལ་བ་ནི།། རང་གསལ་སྐུ་གསུང་ཐུགས་གང་ཞིག། དེ་ཉིད་གང
21a4 གིས་གསལ་བར་བགྱི།། ཁྱད་པར་རིམ་པར་ཇི་ལྟར་འགྱུར།། ཞེས་གསོལ་ཏོ།། དེ་ནས་སེམས་དཔའ་རྡོ་རྗེས་འདི་སྐད་ཅེས་བཀའ་སྩལ་ཏོ།། མ་ལུས་རང་སྣང་འཁོར་ལོ་བས།། རང་སྣང་སྙིང་པོ་འཕོ་འགྱུར
21a5 མེད།། གནས་པའི་སྒྲོ་སྐུར་མ་ལུས་པ།། རིག་པ་གཅིག་གི་དོན་དུ་གནས།། མ་ལུས་ཀུན་རྫོགས་སྙིང་པོ་འདི།། གནས་དང་རྟོགས་དང་མཐར་ཕྱིན་པའི།། སྐུ་གསུང་ཐུགས་ཀྱི་རྩ་བ་ཡིན།། ཇི་སྙེད་སྣང་གྲངས་ཐམས
21a6 ཅད་ཀྱི།། དབྱིབས་དང་ཁ་དོག་ཆེ་ཆུང་དང་།། མ་ལུས་ཇི་ལྟར་གནས་པ་དང་།། འཇིག་རྟེན་འདས་དང་མ་འདས་པ།། ཕྱོགས་དང་རིས་ལ་སོགས་པ་ནི།། བྱང་ཆུབ་སྙིང་པོའི་སྐུ་རུ་ཤར།། བྱང་ཆུབ་སེམས་ཀྱི་སྐུ་ཉིད
iiif viewer powered by OpenSeadragon
