| e-texts navigator |
| Wylie |
20b1 པོ་ཉིད།། གང་ལ་གང་སྣང་དེ་དག་ཉིད།། གདུལ་བྱའི་ཐབས་ནི་མཐའ་ཡས་པར།། འགྲོ་བ་དམན་པའི་ཆེད་དུ་བསྟན།། དེ་དག་མ་ལུས་སྙིང་པོ་ཉིད།། ནམ་མཁའི་མཐའ་དང་མཉམ་པ་ཡི།། རོལ་པ་སྙིང་པོར་བསྟན
20b2 པའི་མཆོག། སངས་རྒྱས་ཀུན་གྱི་སྐུ་གསུང་ཐུགས།། བསྟན་པ་འདི་ཉིད་ཞུགས་པ་ཡི།། འདི་དག་རྡོ་རྗེ་འཛིན་པ་ཡིས།། ཕྱོགས་བཅུ་ནམ་མཁའི་འཇིག་རྟེན་ཁམས།། རྡུལ་སྙེད་གྲངས་ལ་འདས་པ་ཉིད།། སངས་རྒྱས
20b3 ཉིད་དུ་མངོན་སྣང་ནས།། སྐལ་ལྡན་སྙིང་ལ་འཇུག་པར་མཛད།། དེ་ཚེ་འཁོར་ནི་ཇི་སྙེད་པ།། ཀུན་ཀྱང་རང་གི་ཡིད་ལ་འཇུག། འདས་དང་ད་ལྟར་མ་བྱོན་པའི།། སྙིང་པོ་བསམ་མི་ཁྱབ་པའི་དུས།། མངོན་དུ་བསྟན
20b4 པ་ཚད་མས་རྟོགས།། རེ་དོགས་སྤྱོད་པ་ཆད་པའི་དུས།། ཐོག་མ་ཐ་མ་མེད་པའི་གནས།། དངོས་དང་དངོས་མེད་ཀུན་སྤངས་པའི།། རང་བྱུང་སྙིང་པོ་གསང་བའི་དོན།། རིག་པ་ཕྱོགས་བྲལ་རྟོགས་པའི་གནས།། དོན
20b5 གྱི་དབུས་ཆེན་མཐའ་དབུས་མེད།། མ་བཅོས་གནས་སུ་རྟོགས་པས་ཕྱིར།། སྐལ་ལྡན་རྣལ་འབྱོར་རྟོགས་པ་ཡིས།། ཐེག་པའི་ཁྱད་པར་ཇི་སྙེད་པ།། ཤེས་རབ་ཆེན་པོ་སྐད་ཅིག་ལ།། ཆོས་རྣམས་རོ་གཅིག་བསྡུས་པའི
20b6 བདག། དབང་པོ་ནུས་སྟོབས་ལྡན་པ་ལ།། ཇི་སྙེད་དྲན་རྟོགས་རྒྱུ་བ་ཀུན།། ཟག་མེད་སྙིང་པོའི་བསྟན་པ་སྟེ།། ནམ་མཁའི་མཐའ་དང་མཉམ་པའི་རྒྱུད།། རང་བྱུང་རྟོགས་པའི་སྙིང་པོ་ཉིད།། སངས་རྒྱས་ཀུན་གྱི
iiif viewer powered by OpenSeadragon
