| e-texts navigator |
| Wylie |
20a1 བཅོས་རོལ་པ་བདེ་བ་ཉིད།། རང་ཉིད་ཐུགས་རྗེ་ངོ་བོ་ཉིད།། སྐུ་གསུམ་ཕུན་སུམ་ཚོགས་པ་སྟེ།། ངོ་བོ་རང་བྱུང་ཡེ་ཤེས་ཉིད།། འདོད་པའི་དོན་སྣང་དངོས་པོ་མེད།། གནས་དང་སྟོན་པ་འཁོར་དང
20a2 དུས།། སྡུད་དང་བསྟན་པ་རང་བཞིན་ཉིད།། སྐུ་གསུམ་སོ་སོར་དབྱེ་བ་སྟེ།། དེ་དག་ཆེ་ཆུང་ཁྱད་པར་གྱིས།། རང་རང་སོ་སོར་ཕྱེ་བ་ཡིས།། ཐེག་པའི་རིམ་པར་སྣང་བ་ནི།། དེར་ཡང་ཕུན་སུམ་ཚོགས་པ་སྟེ།། ནམ
20a3 མཁའི་དབྱིངས་ཀྱི་མཐའ་ཀླས་པར།། ཕུན་སུམ་ཚོགས་པ་གང་བ་སྟེ།། རང་བྱུང་སྙིང་པོ་ཐོག་མཐའ་མེད།། སངས་རྒྱས་ཀུན་གྱི་རང་བཞིན་ཉིད།། ཐོག་མ་ཐ་མའི་དུས་མེད་པར།། གདུལ་བྱ་སྤྲོ་བ་བསྐྱེད་པའི
20a4 ཕྱིར།། ཕུན་སུམ་ཚོགས་པ་ཉིད་དུ་གནས།། གདུལ་བྱ་ལས་ཀྱི་ཁྱད་པར་གྱིས།། རིམ་པ་དག་ཏུ་གང་སྣང་ཡང་།། ནམ་མཁའི་རྒྱན་ལྟར་གནས་པ་ཡིན།། འདི་དག་དབང་པོའི་ཁྱད་པར་ལྟར།། རང་བྱུང་བྱིན་གྱིས
20a5 བརླབས་ཤུགས་དང་།། དབང་པོ་རབ་འབྲིང་ཁྱད་པར་དང་།། གདུལ་བྱའི་ནུས་པ་མ་སྟོབས་ཐབས་དང་།། རང་བྱུང་རོལ་པའི་རང་སྣང་བ།། ཕྱེ་བའི་ཁྱད་པར་བསྟན་ཕྱིར་ཡིན།། ཕྱོགས་བཅུ་ནམ་མཁའི་མཐའ་ཀླས
20a6 པའི།། གདུལ་བྱའི་བསམ་པ་བསྐང་བ་དང་།། རང་བྱུང་ཆེ་བ་བསྟན་པའི་ཕྱིར།། རྒྱལ་བའི་ཞིང་ཁམས་ཐམས་ཅད་དུ།། མ་འདྲེས་མཛེས་པའི་མེ་ཏོག་ལྟར།། རང་བྱུང་ཆེ་བའི་ཡོན་ཏན་སྣང་།། རང་བྱུང་རིག་པའི་རྒྱལ
iiif viewer powered by OpenSeadragon
