| e-texts navigator |
| Wylie |
19b1 བའི་ཆུ་བོས་གཡེངས་པ་ཡི།། རེ་དོགས་འཛིན་པ་དག་མི་འགྱུར།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བཅོས་མའི་དབང་བཤད་པའི་ལེའུ་སྟེ་སུམ་ཅུ་བདུན་པའོ།། །། དེ
19b2 ནས་ཡང་སེམས་དཔའ་རྡོ་རྗེ་དམ་པ་ལ།། རང་སྣང་རིག་པའི་འཁོར་ཚོགས་ཀྱིས་འདི་སྐད་ཅེས་གསོལ་ཏོ།། དུས་གསུམ་རྒྱལ་བ་ཐམས་ཅད་ཀྱི།། རང་བྱུང་ཕུན་སུམ་ཚོགས་པའི་བདག། རང་གསལ་རོལ་པ་ཀུན་ལ
19b3 གསལ།། བསྟན་པ་མ་ལུས་འབྱུང་བའི་གཞི།། མགོན་པོ་ཁྱོད་ལ་གསོལ་བ་ནི།། ཕུན་སུམ་ཚོགས་པ་གང་ལས་བྱུང་།། ངོ་བོ་དགོས་པ་ཅི་ལས་གྱུར།། དེ་ཉིད་རྟོགས་པ་ཇི་ལྟ་བུ།། སྐྱེས་བུ་ཆེན་པོས་བཤད་དུ
19b4 གསོལ།། དེ་ནས་སེམས་དཔའ་རྡོ་རྗེས་འདི་སྐད་ཅེས་བཀའ་སྩལ་ཏོ།། རང་བྱུང་ཡེ་ཤེས་བྱང་ཆུབ་སེམས།། ཇི་སྙེད་ཕུན་སུམ་ཚོགས་པ་དང་།། སྐུ་དང་གསུང་ཐུགས་ཞིང་ཁམས་དང་།། ཆེ་བའི་མཛད་པ་མ་ལུས
19b5 པ།། ཀུན་རྫོགས་ཡིད་བཞིན་ནོར་བུ་སྟེ།། འཕེལ་འགྲིབ་མེད་པའི་རིན་ཆེན་དབྱིག། བསྟན་པའི་ཐེག་པ་མ་ལུས་པ།། མ་ལུས་འཆར་གཞི་སྙིང་པོ་ཉིད།། རང་བྱུང་སྙིང་པོ་སྟོང་པའི་ལུང་།། རྩ་བ་བྲལ་བའི་ཡན་ལག
19b6 ལྟར།། མ་ལུས་ཀུན་གྱི་ངོ་བོ་ཡིན།། ལུང་དང་རིག་པའི་ཚད་མ་ཡིས།། ཀུན་གྱི་སྙིང་པོ་འདི་རྟོགས་ན།། ཕུན་སུམ་ཚོགས་པ་མ་ལུས་པ།། རིག་པ་གཅིག་ཏུ་གཏན་ལ་ཕེབས།། གཞི་རྩ་མེད་པའི་སྙིང་པོ་ཉིད།། མ
iiif viewer powered by OpenSeadragon
