| e-texts navigator |
| Wylie |
19a1 མངོན་དུ་བྱེད།། རྐྱེན་གྱིས་ཕྱི་ནང་རྟོགས་གོམས་ནས།། ཟག་པ་ཟད་པས་ཆོ་འཕྲུལ་འགྲུབ།། ཕྱི་ནང་མ་ལུས་ཐམས་ཅད་ཀུན།། ཀུན་རྫོགས་ནུས་པའི་ཁྱད་པར་ཉིད།། ཆ་ཤས་བྲལ་བའི་ནམ་མཁའ
19a2 སྟེ།། ཕྱི་ནང་བར་དུ་མངོན་བརྟགས་པས།། ནམ་མཁའི་རྣལ་འབྱོར་གྲུབ་པ་ཡིས།། ལྷ་སྤྱོད་གོམས་པའི་ལམ་གྱིས་ཚོལ། ཁ་ཅིག་རིག་པའི་རང་བཞིན་ཉིད།། རང་སྣང་མི་སྣང་འདུ་ཤེས་མེད།། བློ་ཡི་སྦྱོར་བ་ཟད་པ
19a3 ཡི།། དག་པའི་ཉམས་མྱོང་སྙིང་པོར་འདོད། ཁ་ཅིག་སྒྱུ་མ་བྲག་ཆ་ལྟར།། སྒོ་གསུམ་གོམས་པའི་རང་བཞིན་གྱིས།། མ་ལུས་ཀུན་ཀྱང་དེ་བཞིན་ཏེ།། འབྲས་བུ་ཡེ་ཤེས་སྒྱུ་མར་གསལ།། བདེན་དང་བརྫུན་པའི་མཐའ
19a4 ཆོད་ནས།། རིག་པ་སྤྲོས་བྲལ་མི་གནས་པ།། གང་ཡང་མི་གནས་པ་ཡི་དོན།། མ་སྐྱེས་སྟོང་པའི་རང་བཞིན་ནོ།། ཐ་མལ་སྒོ་གསུམ་བསྒྱུར་བའི་ཕྱིར།། རིགས་གསུམ་དཀྱིལ་འཁོར་སྐུ་གསུང་ཐུགས།། ཐ་མལ
19a5 འཇོམས་བྱེད་རྡོ་རྗེ་སྟེ།། བདག་དང་གཞན་ཕན་དེ་བཞིན་གཤེགས།། དཔལ་ལྡན་སྐྱོན་བྲལ་པདྨའི་མཆོག། མ་ལུས་རིགས་གསུམ་གོམས་པ་ཡིས།། རང་འདོད་འབྲས་བུ་མཐར་ཕྱིན་ཐོབ།། གང་དུ་གཉིས་ཀའི
19a6 མཐར་འཛིན་པ།། དེ་ཁོ་ན་ཉིད་གཞི་དག་གིས།། སྣང་སྲིད་གོམས་པའི་དབང་ཐོབ་སྟེ།། སྐུ་དང་གསུང་ཐུགས་བཟླས་བརྗོད་ཀྱིས།། གཙང་མའི་རིགས་འཛིན་གྲལ་ཐོབ་ནས།། རྡོ་རྗེ་འཛིན་པའི་ལྟུང་བ་དང་།། རྩོལ
iiif viewer powered by OpenSeadragon
