| e-texts navigator |
| Wylie |
18b1 བརྒྱ་ཕྲག་ཏུ།། ལོང་བས་ལམ་དུ་ཞུགས་པ་ལྟར།། འདོད་པའི་དོན་དང་འཕྲད་མི་འགྱུར།། མ་བཅོས་རྟོགས་པའི་དོན་མེད་ན།། ཐུན་མོང་རྟོག་སྤྱོད་བསམ་གཏན་དང་།། ལྷ་དང་བདེ་བའི་ཏིང་འཛིན་གྱིས།། མ་བཅོས
18b2 རྟོགས་པར་མི་འགྱུར་ཏེ།། འཁོར་བར་ཉིད་དུ་ལྟུང་བར་འགྱུར།། ཇི་ལྟར་ཆུ་རླབས་འཁྲིག་པ་དག། རྐྱེན་གྱིས་གང་ལྟར་ཤར་བ་ཉིད།། སྣ་ཚོགས་ཆུ་ཡི་རང་བཞིན་ལྟར།། བཅོས་མའི་དོན་ཀྱང་དེ་བཞིན་ནོ།། འཇིག
18b3 རྟེན་ལོག་པ་ལ་སོགས་པའི།། ཐེག་པ་སྣ་ཚོགས་བསམ་གཏན་དག། རང་རང་ཚུལ་གྱིས་གོམས་བྱས་ཏེ།། རིག་པ་ཕྱོགས་རིས་མེད་པར་བསྟན།། འདིས་ནི་ནམ་མཁའི་མཐའ་ཐུག་པ།། རྡོ་རྗེ་འོད་གསལ་ཉིད་དུ
18b4 འགྱུར།། མི་རྟག་ཕྱི་ནང་ཐམས་ཅད་དང་།། སྡུག་བསྔལ་ན་བའི་རྒྱུན་ལ་སོགས།། ཕྱི་ནང་བདག་མེད་སྟོང་པའི་སེམས།། སོ་སོའི་ཆ་ཤས་དམིགས་བྲལ་བས།། འཇིག་རྟེན་ཞེན་པ་དུས་གཅིག་ཟློག། དམན་པས་མི
18b5 གཙང་རྣལ་འབྱོར་དང་།། སྲོག་དང་རླུང་གིས་བརྟག་པ་དང་།། བདག་ཉིད་དམིགས་པ་བསྒོམས་པ་ཡིས།། རིམ་པས་འགོག་པའི་དཀའ་ཐུབ་ཡིས།། འཕགས་པའི་ལམ་ལ་སྦྱོར་བ་བྱེད།། ཡིད་བརྟན་འཛིན་པ་བཟློག
18b6 པ་དང་།། ཞེན་པ་སྤང་ཕྱིར་བསྟན་པ་ཉིད།། སྲིད་པའི་འཁོར་ལོ་ཐོག་མཐའ་མེད།། དེ་ཉིད་རྟེན་ཅིང་འབྲེལ་འབྱུང་སྟེ།། འཁོར་ལོ་རིམ་གསུམ་སྙིང་པོ་མེད།། འབྱུང་དང་རྟོག་དང་མ་རིག་འགོག། འགོག་པའི་སྟོང་པ
iiif viewer powered by OpenSeadragon
