| e-texts navigator |
| Wylie |
18a1 པར།། རང་རང་ཞེན་པའི་རྟོགས་སྤྱོད་ཀྱིས།། རང་ལྷ་ཡ་རབས་མཐོར་སྟོན་ནས།། འདོད་ལྔའི་ཆོས་ལ་བབ་ཚོལ་སྤྱོད།། ཀུན་ཀྱང་ལོག་པའི་དོན་བལྟས་ནས།། རྡོ་རྗེའི་ཁབ་ཏུ་ལྟུང་བར་འགྱུར།། ཞེས
18a2 གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།། རིག་པ་རང་གསལ་དོན་གྱིས་བཤད་པའི་ལེའུ་སྟེ་སུམ་ཅུ་དྲུག་པའོ།། །། དེ་ནས་ཡང་སེམས་དཔའ་རྡོ་རྗེ་ལ།། རང་སྣང་རིག་པའི་འཁོར
18a3 གྱིས་འདི་སྐད་ཅེས་གསོལ་ཏོ།། ཀྱེ་མའོ་སངས་རྒྱས་ཐམས་ཅད་ཀྱི།། རང་སྣང་བྱིན་རླབས་ཡ་མཚན་ཆེ།། སྣ་ཚོགས་གཉིས་མེད་གནས་པ་ལ།། འཁྲུལ་རྟོག་སྣ་ཚོགས་རྐྱེན་གྱིས་བསླད།། གང་ཕྱིར་བསྒྲིབས་དང
18a4 འཁྲུལ་པ་སྟེ།། དེ་དག་ཐབས་དང་རྣལ་འབྱོར་གང་།། ཁྱད་པར་ཇི་ལྟར་རྟོགས་པ་ཡིས།། མ་བཅོས་དོན་ལ་ཇི་ལྟར་འཇུག། འདི་དག་ལེགས་པར་བཤད་དུ་གསོལ།། ཞེས་གསོལ་ཏོ།། དེ་ནས་སེམས་དཔའ་རྡོ་རྗེ་དམ
18a5 པ་དེས་འདི་སྐད་ཅེས་བཀའ་སྩལ་ཏོ།། འདུས་པའི་ཚོགས་ཆེན་དེ་ཉོན་ཅིག། ཆོས་རྣམས་ཀུན་གྱི་རང་བཞིན་ཉིད།། མ་ལུས་ཀུན་འདུས་སྙིང་པོ་སྟེ།། གཅིག་ཉིད་ཀུན་གྱི་རང་བཞིན་པས།། ལྷག་མ་མེད་པར་ཡོངས་སུ
18a6 རྫོགས།། དེ་ཡང་རང་རྐྱེན་བཟློགས་དང་།། རྣ་བརྒྱུད་བདུད་རྩི་དོན་བྲལ་བས།། ཕྱོགས་འཛིན་ལོག་པའི་འདུ་ཤེས་ཀྱིས།། མ་བཅོས་སྙིང་པོ་བསྒྲུབས་ཤིང་འཁྲུལ།། ལྟ་སྤྱོད་ལོག་པའི་ང་རྒྱལ་གྱིས།། བསྐལ་པ་བྱེ་བ
iiif viewer powered by OpenSeadragon
