| e-texts navigator |
| Wylie |
17a1 རིས་མེད་པའི་ངོ་བོར་གསལ།། སྙིང་པོ་རིག་པའི་ཀློང་དུ་གསལ།། རྟོགས་པ་གཉིས་སུ་མེད་པ་ཡིན།། ཇི་སྙེད་ཆོས་རྣམས་ཐམས་ཅད་ཀུན།། རེ་དོགས་ཆད་པར་རང་གསལ་བས།། དྲན་རྟོགས་སྣང
17a2 གྲགས་མ་ལུས་པ།། ཏིང་འཛིན་ཡན་ལག་རྒྱ་མཚོར་གསལ།། མཁའ་ལ་རོལ་པ་རྒྱན་སྣང་ལྟར།། རེ་དོགས་ཕྱོགས་རིས་ཡོངས་ཀྱི་མེད།། གོམས་པ་གཉིས་སུ་མེད་པ་ཡིན།། མ་ལུས་རྫོགས་པའི་སྙིང་པོ་ཉིད།། ཆོས
17a3 ཀུན་ངོ་བོར་རང་ཤར་བས།། མ་ལུས་ཡེ་ཤེས་ཀློང་བརྡལ་བས།། ཐམས་ཅད་མཐར་ཕྱིན་ཡེ་ཤེས་ཉིད།། དངོས་པོ་ཐིག་ལེར་གསལ་བ་ལ།། འཕྲོ་འདུ་ཕྱོགས་རིས་མེད་པས་ཏེ།། ཡེ་ཤེས་རྒྱ་མཚོ་མཐར་ཐུག
17a4 མེད།། གདོད་ནས་ཐིག་ལེའི་ངོ་བོ་ལ།། ཇི་སྙེད་ཐམས་ཅད་ཀུན་འདུས་པས།། ཕྱི་ནང་རྒྱུ་འབྲས་གཟུང་འཛིན་དང་།། ཟིན་ཆགས་རྩོལ་སྒྲུབ་ལ་སོགས་པའི།། སྣ་གྲངས་པ་ཡི་ཆོས་རྣམས་ཀུན།། ངོ་བོ་རྟོགས་དང
17a5 གོམས་པ་དང་།། མཐར་ཕྱིན་གཉིས་མེད་རང་བཞིན་ནོ།། ཇི་སྙེད་རང་རང་ཐ་མལ་པའི།། ཕྱི་ནང་ཇི་སྙེད་གནས་པ་ནི།། སྐྱེ་མཆེད་དྲུག་སྟེ་ལྷ་མོར་བརྟག། དངོས་པོ་གཅིག་ལ་གང་རྫོགས་པ།། ཐ་མལ་ཞེན་པ་བཟློག
17a6 ཕྱིར་ཏེ།། དཀྱིལ་འཁོར་དྲུག་པོའི་རང་བཞིན་གྱིས།། རང་སེམས་མ་སྐྱེས་ངང་དུ་བསྟན།། དེ་ཉིད་བདེ་བ་ཆེན་པོ་སྟེ།། རང་རྒྱུད་རྒྱུ་འབྲས་ལྟོས་པ་དང་།། ཕྱི་ནང་མཚན་མའི་ཡུལ་ལས་འདས།། མཉམ་པའི་དོན་གྱི
iiif viewer powered by OpenSeadragon
