| e-texts navigator |
| Wylie |
16b1 ཤེས་སྙིང་པོར་མཐོང་།། སྡུག་བསྔལ་བདེ་བ་ཆེན་པོར་གནས།། ཞེས་གསུངས་སོ།། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཤེས་བྱ་ཐབས་ཀྱིས་གཏན་ལ་ཕབ་པས་ནམ་མཁར་ཐིམ་པའི་ལེའུ་སྟེ་སུམ
16b2 ཅུ་ལྔ་པའོ།། །། དེ་ནས་ཡང་སེམས་དཔའ་རྡོ་རྗེ་ལ། རང་སྣང་རིག་པའི་འཁོར་གྱིས་འདི་སྐད་ཅེས་གསོལ་ཏོ།། རྒྱལ་བ་ཀུན་གྱིས་གསང་བའི་བདག། བྱང་ཆུབ་སྙིང་པོ་ཇི་བཞིན་གསལ།། ཚིག་ལ་དབང་སྒྱུར
16b3 གསང་བའི་མཛོད།། མགོན་པོ་ཁྱོད་ལ་གསོལ་བ་ནི།། གཉིས་མེད་གཅིག་ནི་ཇི་ལྟར་ལྟར།། མཚན་མའི་ཐ་སྙད་ཇི་ལྟར་བྲལ།། རིག་པའི་གདེང་ཞེས་གང་ལ་བགྱི།། ལེགས་པར་བདག་ལ་བཤད་དུ་གསོལ།། ཞེས
16b4 གསོལ་ཏོ།། དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། འདུས་པའི་ཚོགས་ཆེན་ད་ཉོན་ཅིག། བྱང་ཆུབ་སྙིང་པོའི་རང་བཞིན་དུ།། མི་མཐུན་གཉེན་པོའི་ཆོས་མེད་དེ།། རང་ལ་རང་སྣང་དེ
16b5 ཁྱད་མེད།། རང་སྣང་རིག་པའི་འཁོར་ལོ་ལ།། མ་ལུས་རྫོགས་པའི་ངོ་བོ་བས།། རྣམ་པའི་ཁྱད་པར་ཅི་ཡང་སྣང་།། གཉིས་མེད་རིག་པ་གཅིག་ཏུ་གནས།། རང་བཞིན་གཉིས་མེད་ཉིད་དུ་བཤད།། ཐམས་ཅད་རང
16b6 བྱུང་སྙིང་པོ་ཉིད།། རོལ་པ་མ་འདྲེས་ལྷུན་གྲུབ་པ།། ཇི་བཞིན་དོན་དུ་དབྱེར་མེད་ཀྱང་།། ཐབས་དང་བརྒྱུད་པའི་མན་ངག་གིས།། སྣོད་དང་ལྡན་པའི་སྐྱེས་བུ་ལ།། མངོན་སུམ་རིག་པའི་ཚད་མས་བསྟན།། ཕྱོགས
iiif viewer powered by OpenSeadragon
