| e-texts navigator |
| Wylie |
39b1 གསལ་བས་གསེར་གཞིན་ཏེ།། དགེ་སྡིག་སོ་སོར་བཅིངས་པ་ཡིས།། རྣམ་གྲོལ་ཐར་པ་བཅིངས་པ་ཧ།། གང་གིས་དེ་ལྟར་མ་རིག་སྟེ།། དོན་མེད་སྒྲ་ཕྱིར་འབྲངས་པ་ཡང་།། དགེ་སྡིག་གཉིས་ཀའི་ཕྱོགས་འཛིན
39b2 པས།། དམིགས་མེད་ལྡོངས་ནས་འགྲོ་བ་ཧ།། དཀར་བས་དཀར་བའི་ཉི་མ་མེད།། གནག་པས་གནག་པའི་མུན་པ་མེད།། ཞི་བས་གསལ་བའི་ཐིག་ལེ་ལ།། ལྷག་པའི་ལྷ་ཡང་ཡོད་མ་ཡིན།། མུ་མེད་བརྡལ་བར
39b3 གནས་པའི་ཕྱིར།། ཐམས་ཅད་དུ་ནི་གཅིག་པུ་ཉིད།། ནམ་མཁའ་ལྟ་བུའི་བདག་ཉིད་ལ།། སེམས་ཅན་མེད་ཅིང་སངས་རྒྱས་མེད།། རིག་པ་མེད་ཅིང་སངས་རྒྱས་མེད།། བྲི་བ་མེད་ཅིང་འཕེལ་བ་མེད།། དུས
39b4 གསུམ་ཐིག་ལེ་བདེ་བའི་ཕྱིར།། སུ་ལ་ཕན་མེད་གནོད་མི་འགྱུར།། རྣམ་པར་དག་པའི་སྙིང་པོ་ལ།། མངོན་སུམ་ལྷུན་གྱི་གྲུབ་པ་ཧ།། མི་སྣང་འགྱུར་བ་མེད་པ་ནི།། ཤེས་རབ་ཐབས་ལས་འདས་པའི་ཕྱིར།། ལམ་དང
39b5 བྱང་ཆུབ་དང་མེད་པ་སྟེ།། མེད་པའི་སྙིང་པོ་ཤར་བ་ཧ།། སྐལ་ལྡན་གང་ཞིག་འབྱུང་བ་ཡི།། དོན་དུ་གསུངས་པའི་དགོངས་སྤྱོད་ཀྱང་།། འདི་དོན་གདེངས་དང་ལྡན་པ་ཡིས།། གང་ལྟར་སྤྱད་ཀྱང་མེ་ཏོག་སྐྱེ།། ཡང
39b6 དག་ངེས་པའི་ལུང་འདི་ཡང་།། རང་རིག་ཀློང་དུ་ཁྲོལ་འདོད་པས།། སེམས་ཀྱི་ཀློང་དུ[:]བརྣག་པ་ལས།། ཕལ་ལ་སྤྲོ་བར་མི་བྱའོ།། རྫོགས་པའི་སྠི་གཅོད་ཅེས་བྱ་བ་རྫོགས་སོ།། །
iiif viewer powered by OpenSeadragon
